Qazaqstanda 11 qazanda kún ashyq ári jyly bolady - aýa raıy boljamy
ASTANA. 10 qazan. QazAqparat - 11 qazanda Qazaqstannyń basym aýmaǵynda antıtsıklonnyń yqpaly saqtalady, soǵan baılanysty kún ashyq ári jyly bolady dep kútilýde, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Aqtóbe, kúndiz Jambyl, Ońtústik Qazaqstan oblystarynda keı jerlerde 15-20 m/s jyldamdyqpen jel soǵady.
Túnde jáne tańerteń Aqmola, Soltústik Qazaqstan oblystarynda keıbir jerlerde tuman túsedi.
Shyǵys Qazaqstan oblysynda keı jerlerde 15-20 m/s jyldamdyqpen jel soǵady, túnde jáne tańerteń tumandy bolýy múmkin.
Respýblıkanyń ońtústik, ońtústik-shyǵys jáne shyǵysy men ortalyǵynda tótenshe joǵary órt qaýpi saqtalady.
Aldaǵy táýlikterde Syrdarııa ózeninde, Qapshaǵaı sý qoımasynan joǵary Іle ózeninde sý deńgeıiniń aýytqýshylyǵy baıqalady.
