Qazaqstanda «100kadam.kz» saıty ashyldy

ASTANA. QazAqparat - Memleket basshysy Nursultan Nazarbaevtyń «Ult jospary - 100 naqty qadam» reformasynyń júzege asyrylý barysy týraly resmı túrde əri tolyq aqparat beretin «100kadam.kz» saıty iske qosyldy. Búgin Ortalyq kommýnıkatsııalar qyzmetiniń alańynda «QazKontent» AQ-nyń basqarýshy dırektory Jandos Chýlakov jańa saıttyń tanystyrylymyn jasady.

«Qazaqstan Respýblıkasynyń Prezıdenti Nursultan Nazarbaevtyń 5 ınstıtýtsıonaldy reformasy men naqty 100 qadamdy júzege asyrý jóninde tolyq aqparat berý úshin «100kadam.kz» saıtyn əzirledik. Bul saıt - Investıtsııalar jəne damý mınıstrligi Aqparat, baılanys jəne aqparattandyrý komıteti, «QazKontent» AQ jəne «Ulttyq aqparattyq tehnologııalar» AQ-nyń birlese júzege asyrǵan jobasy.
Saıt qazaq, orys jəne aǵylshyn tilderinde aqparat taratady. Portaldyń ereksheligi - júz naqty qadam bir saıtta ornalastyrylǵan. Saıttaǵy aqparat negizgi bes bólimnen turady, ıaǵnı, ózimizge məlim bes ıntıtýtsıonaldy reforma. Atap aıtsaq, saıt kəsibı memlekettik aqparat qurý; zańnyń ústemdigin qamtamasyz etý, ındýstrııalandyrý men ekonomıkalyq ósim; birtektilik pen birlik, esep beretin memleketti qalyptastyrý degen bólimderden turady. Səıkesinshe, ərbir bólimniń ishine sol taqyrypty qamtıtyn qadamdar ornalasqan. Saıttaǵy taǵy bir ortalyq fýnktsıonaldy bólim - ol jańalyqtar. ıAǵnı, 100 qadamǵa qatysty respýblıka boıynsha ótip jatqan is-sharalar, aımaqtyq jəne respýblıka deńgeıindegi aqparttardy - jańalyqtar bólimine shoǵyrlandyrdyq»,-dedi J.Chýlakov.
Al, «Ulttyq aqparattyq tehnologııalar» AQ Basqarma tóraǵasynyń orynbasary Baǵlan Bekbaýovtyń aıtýynsha, saıttyń jıyrma tórt saǵat, aptasyna jeti kún monıtorıng jasaıtyn arnaıy dıspetcherleri bar.
«Bul saıtty jasaǵan kezdegi basty maqsatymyz - 100kadam.kz saıtynyń qaýipsizdigin qamtamasyz etý boldy. Sondyqtan, biz asa iri eń jańa tehnologııalardy paıdalana otyryp, bizdiń kontentti jóndeý, serverlik ınfraqurylym qurý jáne arnaıy memlekettik tehnıkalyq qyzmet kórsetetin organdarmen birlese otyryp qaýipsizdigi qarastyryldy. Saıtty ázirlegen kezde serverlik ınfraqurylymǵa ornattyq. Onyń máni eger erteńgi serverlik ınfraqurylymnyń kúshi jetpeı bara jatsa nemese saıttyń kólemi artsa, sol kezde kez kelgen sátte esh qıyndyqsyz serverlerdi aýystyrmaı-aq osy saıtty jańasha kóterýge qol jetkizilip otyr. Sonymen qatar, jıyrma tórt saǵat, aptasyna jeti kún monıtorıng jasaıtyn arnaıy dıspetcherler bar. Jelide qolaısyz jaǵdaı týyndasa, mindetti túrde qolǵa alynyp, tez arada jóndeledi», - dedi Baǵlan Bekbaýov.