Qazaqstanda 100 jastan asqan qansha qarııa bar
ASTANA. KAZINFORM — Elimizde jyl saıyn 1 qazanda qarttar kúni atap ótiledi. Búginde elimizde ǵasyrlyq mejeden asqan 44 zeınetker bar. Olar — shaharlardyń qalyptasýyna, jańa urpaqtyń ósip-órkendeýine kýá bolǵan tulǵalar.
«Azamattarǵa arnalǵan úkimet» memlekettik korporatsııasynyń deregine sáıkes, áıelder arasynda elimizdegi eń jasy úlken zeınetker — 106 jasta, ol Shymkent qalasynda, otbasynyń ortasynda ómir súrip jatyr.
— Al Almaty qalasynda turatyn 104 jastaǵy Ekinshi dúnıejúzilik soǵys ardageri, bıologııa ǵylymdarynyń doktory, professor, akademık atamyz — er azamattar arasyndaǵy eń jasy úlken zeınetker sanalady, — delingen habarlamada.
Qazirgi tańda Qazaqstan boıynsha 2,4 mıllıonnan astam azamat zeınetaqy tólemderin alady. Olardyń 64%-y áıelder, al 36%-y er adamdar.
Buǵan deıin Atyraýda 90 jastaǵy qarııa týǵan ulynan zorlyq-zombylyq kórgenin jazǵanbyz.
