Qazaqstanda 100 jańa fermer jobasy júzege asyrylady

ASTANA. QazAqparat – Qazaqstanda 100 jańa fermer jobasy júzege asyrylady. Bul týraly búgin Astana Agroforum-2018  respýblıkalyq keńesinde «Aýyl – el besigi» arnaıy jobasyn tanystyrǵan QR Aýyl sharýashylyǵy mınıstriniń keńesshisi Sáken Qalqamanov aıtty, dep habarlaıdy QazAqparat tilshisi.  

Onyń aıtýynsha, atalǵan arnaıy joba aıasynda 100 jańa ferma qurý kózdelip otyr.

«Biz kepkisi shań, qoly maı-maı emes, birneshe tildi jetik biletin, joǵary bilim alǵan, soǵan qaramastan aýyldyq jerde eńbek etip, tabys tabatyn jastardyń áleýetin ashýymyz kerek», - dedi ol.

Sonymen qatar, Sáken Qalqamanov telearnalarda praım-taım ýaqytynda agroónerkásip taqyrybynda tok-shoý uıymdastyrý jumysy júrgizilip jatqanyn aıtty.

Buǵan deıin habarlaǵanymyzdaı, mınıstrdiń keńesshisi aǵymdaǵy jyldyń alǵashqy 6 aıynda 44 myń adam aýyldan qalaǵa qonys aýdarǵanyn aıtqan bolatyn.

«Aýyl mektebin bitiretin túlekter arasynda «aýyl ómiriniń keleshegi joq» degen túsinik basym. Olardy qalalar qyzyqtyrady. Biraq, ol jaqta eshkim de kútip turǵan joq. Bul túsinikten aryltý úshin aýyl ómirin qaladan kem qylmaıtyndaı júıeli ári salaaralyq ádis kerek. Ókinishke qaraı, jastar búginde jańa ári progressıvti otandyq aýyl sharýashylyǵynyń shynaıy ósim núktesin kórmeı otyr», - dedi ol.