Qazaqstanda 100 shylymqordyń jeteýi kúnine 25 danadan astam temeki shegedi
Ulttyq statıstıka bıýrosy osy jyldyń shilde aıynda 5,5 mln azamattyń arasynda saýalnama júrgizgen.
Saýalnamaǵa qatysqandardyń ishinde 1,1 mln-nan astam adam temeki, al 190,1 myńy kalıan shegetini anyqtaldy. 26,1 myń adam kalıandy kúndelikti, al 164 myń adam ara-tura shegedi.
Al shylymqorlardyń ishinde 914,4 myń adam temekini kúndelikti, al 190,7 myń adam anda-sanda shegetindigin aıtqan.
Temeki shegetinderdiń 851 myńy - er adamdar, 254 myńy - áıelder. 663,2 myń shylymqor qalada, 441,8 myńy aýylda turady.
Saýalnama júrgizilgen 5,5 mln adamnyń 4,4 mıllıony qazirgi ýaqytta temeki shekpeıtindikterin aıtqan.
Onyń ishinde 15,9 myń adam buǵan deıin kúndelikti, 318,2 myńy ara-tura shylym shekse, 3,5 mln-y múldem temeki tartpaǵan.
Qazaqstandyq shylymqor bir kúnniń ishinde 12,8 mln dana, onyń ishinde erkekter 10,5 mln, áıelder 2,3 mln dana temegi shegedi.
Kúndelikti shylym shegetin 915 myń respondenttiń 378,7 myń kúnine - 15-24, 214,4 myńy - 10-14, 168,7 myńy - 5-9, 90,1 myń ary ketkende - 5, al 63,2 myńy 25-ten kóp dana temeki tartady.
Aıta keterligi, osy jyldyń qyrkúıek aıynyń qorytyndysynda temeki ónimderi bir jyldyń ishinde 15,9 paıyzǵa qymbattaǵan.
