Qazaqstanda 100 myńnan astam stýdent jataqhanadaǵy orynǵa muqtaj
«Prezıdenttiń bes áleýmettik bastamasynyń biri - stýdentterge arnalǵan jataqhana máselesine toqtalǵym keledi. Jalpy, aıta keterligi, stýdentterdiń jataqhanada oryn alý máselesi kóptegen memleketterdiń kún tártibinde tur. Damyǵan memleketterdiń ózinde de bar. Jaı ǵana statıstıkamen bólissem: búgin de Berlın qalasynda 150 myńǵa jýyq stýdenttiń 9,5 myńyna ǵana jataqhanadan oryn beriledi. Sol sekildi Kanadadaǵy stýdentterdiń de 2/3 bóligi ǵana jataqhanadaǵy orynmen qamtamasyz etilgen. Praga qalasynda 151 myń stýdenttiń besten birine ǵana jataqhanadan oryn beriledi», - dedi Prezıdenttiń bes áleýmettik bastamasy talqylanǵan baspasóz máslıhatynda Alýa Joldybalına.
Phd doktor sheteldegi statıstıkany keltire kele, elimizdegi jaǵdaı týraly aıtty.
«Qazaqstanda 470 myń stýdent bar. Olardyń ishinde aýyldan, aýdannan nemese basqa qalalardan kelgen stýdentterdiń sany shamamen 204 myń. ıAǵnı, bir sózben 204 myń stýdent elimizde jataqhanada turý kerek. Biraq osy stýdentterdiń ishinde jataqhanadaǵy orynǵa muqtaj adamdardyń sany 101 myńǵa jýyq. ıAǵnı, búgingi tańda Qazaqstandaǵy 101 myńǵa jýyq stýdent jataqhanadaǵy orynǵa muqtaj», - dedi ol.
Alýa Joldybalına sonymen qatar, jataqhanadaǵy orynǵa muqtajdyq turǵysynan aımaqtyq kórsetkishterdi keltirdi.
«Jataqhanadaǵy oryn tapshylyǵy kóp jaǵdaıda Almaty (shamamen 22 myń stýdent jataqhanaǵa zárý), Astana qalasynda (7700), sonymen birge bul másele Qaraǵandyǵa da tán. Biraq bul jerde eskere keterligi, bul JOO-larǵa qatysty sandar. Eger kolledj deńgeıinde alar bolsaq, onda tegin kásiptik-tehnıkalyq bilim berý aıasynda kóptegen kolledjderdegi stýdentterdiń de sany ósip keledi. Búgin de jataqhanadaǵy oryn tapshylyǵy ásirese Mańǵystaý oblysynda baıqalady. Atalǵan baǵytta stýdentterdi jataqhanamen qamtamasyz etýdiń joǵary deńgeıi Soltústik Qazaqstan oblysy» - deıdi Alýa Joldybalın.
