Qazaqstanda 100 myńnan astam radıoaktıvti kózder uzaq ýaqytqa saqtalyp tur

Búgin QR Parlamenti Májilisiniń jalpy otyrysynda «Paıdalanylǵan otynmen jumys isteý qaýipsizdigi týraly jáne radıoaktıvti qaldyqtarmen jumys isteý qaýipsizdigi týraly birikken konventsııany ratıfıkatsııalaý týraly» zań jobasyn talqylaý barysynda Energetıka jáne mıneraldyq resýrstar vıtse-mınıstri Áset Maǵaýov osylaı málim etti, dep habarlaıdy QazAqparat.

«Paıdalanylǵan otynmen jáne radıoaktıvti qaldyqtarmen jumys isteý qaýipsizdigi Qazaqstan úshin asa ózekti máselelerdiń biri bolyp tabylady. Máselen, qazirgi tańda Qazaqstannyń ártúrli salalarynda - ónerkásipte, medıtsınada, ǵylym salalarynda 10 myńnan astam radıoaktıvti kózder paıdalanylyp keledi. Sondaı-aq, elimizde 100 myńnan astam radıoaktıvti kózder uzaq ýaqytqa saqtalyp tur. Al Aqtaý qalasyndaǵy «BM-350» reaktoryn paıdalanýǵa oraı, búgingi kúni radıoaktıvti qaldyqtardyń kóp mólsheri jınaqtalýda. Osyǵan baılanysty atalǵan reaktordy paıdalanýdan shyǵarý jumystary júrgizilýde», dedi Á. Maǵaýov.