Qazaqstanda 100 myńǵa jýyq adam áskerı esepke alyndy
2016 jylǵy qańtar men naýryz aralyǵynda Qazaqstan boıynsha shaqyrý ýchaskelerine 1999 jyly týylǵan 100 myńǵa jýyq azamat tirkeldi. Tirkeý bozbalalardy áskerı esepke alý, olardyń sanyn, áskerı qyzmetke jaramdylyq dárejesin, bilim deńgeıin, alǵan mamandyǵyn jáne dene daıarlyǵyn aıqyndaý úshin ótkiziledi.
Balalar úıiniń tárbıelenýshilerine, jetim balalarǵa arnalǵan mektep-ınternattarynyń shákirtterine, sondaı-aq kóp balaly jáne turmysy tómen otbasylardyń balalaryna, ásirese, Qazaqstan Respýblıkasy Qorǵanys mınıstrliginiń Kadet korpýsyna erekshe nazar aýdaryldy. Qazirgi ýaqytta Qazaqstan Respýblıkasy Qorǵanys mınıstrliginiń áskerı oqý oryndaryna túsýge 2 000-daı adam nıet bildirip otyr.
Azamattardy medıtsınalyq kýálandyrýdan ótkizý úshin jergilikti atqarý organdarynyń sheshimi boıynsha medıtsınalyq komıssııalar qurylǵanyn atap ótken jón.
Sondaı-aq qorǵanys isteri jónindegi basqarmalar men bólimder azamattardy shaqyrý ýchaskesine tirkeý protsesinde em alýǵa (medıtsınalyq baqylaýǵa) muqtaj shaqyrylýshylardy aıqyndap, emdeý-aldyn alý uıymdaryna, densaýlyq jaǵdaıy jáne ózge de málimetter boıynsha jaramdylardy Qorǵanys mınıstrliginiń mamandandyrylǵan uıymdaryna jáne oqýǵa túsýge nıet bildirgenderdi áskerı oqý oryndaryna tirkedi.
Áskerı esepke alǵash ret turǵan qazaqstandyqtarmen Qazaqstan Respýblıkasy Qorǵanys mınıstrliginiń joǵary áskerı oqý oryndaryna túsý boıynsha jumys júrgizildi.
Eske sala keteıik, kelesi kezeń aǵymdaǵy jyldyń 1 sáýirinde Qazaqstanda bastaý alatyn áskerge shaqyrý naýqany bolmaq.