Qazaqstanda 100-ge jýyq dene shynyqtyrý-saýyqtyrý kesheni salynady

NUR-SULTAN. QazAqparat - 2022 jylǵa deıin Qazaqstanda 100-ge tarta dene shynyqtyrý-saýyqtyrý kesheni salynady. Bul týraly búgin Ortalyq kommýnıkatsııalar qyzmetinde QR Mádenıet jáne sport mınıstrligi Sport jáne dene shynyqtyrý komıtetiniń tóraǵasy Serik Sápıev aıtty, dep habarlaıdy QazAqparat tilshisi.

«QR Tuńǵysh Prezıdenti - Elbasy Nursultan Nazarbaevtyń buıryǵymen 2022 jylǵa qaraı Qazaqstanda 100-ge jýyq dene shynyqtyrý-saýyqtyrý kesheni salynady», - dedi ol.

Serik Sápıevtiń aıtýyna qaraǵanda, árbir aımaqta shamamen 4-5 keshen boı kóteredi.

«Qarapaıym qazaqstandyqtarǵa, bizdiń eldiń azamattaryna sporttyq nysandar qoljetimdi bolýy kerek. El basshylyǵynyń túpkilikti maqsaty - halyqtyń ómir sapasyn arttyrý», - deıdi Serik Sápıev.