Qazaqstanda 10 jyldyń ishinde stýdentter kontıngenti 170 paıyzǵa ósti - B. Jumaǵulov
ASTANA. 6 jeltoqsan. QazAqparat /Rýslan Ǵabbasov/ - Qazaqstanda 10 jyldyń ishinde stýdentter kontıngenti 170 paıyzǵa ósti.
Bul týraly búgin Úkimette tehnıkalyq jáne kásibı bilim berý júıesinde sapany arttyrýdyń is-qımyl josparyn tanystyrý kezinde Bilim jáne ǵylym mınıstri Baqytjan Jumaǵulov málim etti.
Mınıstrdiń sózine qaraǵanda, álem boıynsha joǵary bilim alýshylardyń sany jyl saıyn arta túsýde. Joǵary bilimdi kadrlar daıarlaý jylyna 6 paıyz kórsetkishpen qarqyndy damyp keledi. 10 jylda joǵary bilim alýshylardyń sany 65 paıyzǵa nemese 65 mıllıon adamǵa ósken. Atap aıtqanda bul álem boıynsha qamtylǵan kórsetkish.
«Degenmen álemdik srapshylardyń derekterine sensek, joǵary bilimdi jappaı berý bilim sapasynyń tómendeýine ákelýi múmkin. Al damýshy elderde jumyssyzdyq kóbeıýi múmkin», dedi mınıstr.
«Bizdiń ahýalmen salystyrǵanda, Qazaqstan kórsetilgen qarqynnan aıtarlyqtaı alda kele jatyr. 1997 - 2007 jyldar aralyǵynda stýdentter kontıngenti 170 paıyzǵa ósti»,- dep atap ótti ol.
Stýdentter sany boıynsha, ıaǵnı halyqtyń 10 myń turǵynyna shaqqanda Qazaqstan, Germanııa, Japonııa, Ulybrıtanııa elderinen alda tur, sondaı aq Norvegııa, Kanada memleketterimen qatar kele jatyr. Tek qana AQSh, Reseı, Fınlıandııa elderinen ǵana keıin tur. Mınıstrdiń paıymdaýynsha, ekonomıkalyq ahýal turǵysynda Qazaqstandaǵy stýdentter sany qazirgi kezeńde tym joǵary baǵalanýda.
