Qazaqstanda 10 jyldan kóp qoldanylǵan kólikterdiń úlesi 60 paıyzǵa jetti
NUR-SULTAN. QazAqparat – Qazaqstandaǵy qoldanysta bolǵanyna 10 jyldan asyp ketken kólikterdiń úlesi 60 paıyzǵa jetti, dep habarlaıdy QazAqparat tilshisi Ranking.kz aqparat kózine silteme jasap.
Aqparat kóziniń málimetinshe, 2019 jyldyń sońyna qaraı elimizde tirkelgen kólikterdiń sany 3,8 mıllıonǵa jetken. Bul – 2018 jyldyń sońyndaǵy kórsetkishten 6,9 paıyzǵa artyq. Kólikterdiń kóbi Almaty oblysynda 492,6 myń (0,5 paıyzǵa az) tursa, odan keıingi satyda Almaty qalasy men (469,7 myń) men ShQO (295 myń) tur.
«Sarapshylardyń aıtýynsha, Qazaqstandaǵy qoldanysta bolǵanyna 10 jyldan asyp ketken kólikterdiń úlesi artyp keledi. 2019 jyldyń sońyna qaraı olardyń sany 2,5 mıllıonǵa jetken. Odan keıingi orynda paıdalanǵanyna 3 jyldan 7 jylǵa deıingi aralyqtaǵy kólikter tur. Qoldanysta bolǵanyna 3 jylǵa deıingi kólikterdiń sany birden 23,3 paıyz azaıyp, 397 myń bolyp otyr», - dep habarlaıdy aqparat kózinen.
«Qazaqstanda 2019 jyly jalpy 806,8 myń jeńil avtokólik esepke tirkelgen (2018 jyldyń uqsas kezeńimen salystyrǵanda 0,7 paıyzǵa az). Olardyń 516,3 myńy nemese 64 paıyzynyń – júrgenine 10 jyldan asyp ketken. Elimizde sondaı-aq, 3 (12,8 paıyzǵa) jáne 3-7 «jas» (0,7 paıyzǵa) aralyǵyndaǵy kólikterdiń de ósimi baıqalady.
