Qazaqstanda 10 jylda «V» gepatıtimen syrqattaný 19 eseden astam kórsetkishke tómendedi - QR DSÁDM
«Qazaqstanda 1998 jyldan balalarǵa týylǵan kúnnen bastap, (1 jasqa deıin 3 mólsherden), medıtsınalyq qyzmetkerler men qan aýystyrýdy qabyldaǵan adamdar úshin «V» gepatıtine qarsy vaktsınalaý engizilgen bolatyn. Qabyldanǵan sharalardyń nátıjesinde «V» jiti juqpaly gepatıtimen syrqattaný 19,8 esege (2005 jylǵy 100 myń turǵynǵa shaqqanda 65,6 kórsetkishten 2015 jyly 3,3-ke) azaıdy», - delingen vedomstvo habarlamasynda.
QR DSÁDM-de aıtyp óıtkendeı, 2011 jyldan bastap, «V» jáne «S» sozylmaly gepatıtterimen aýyratyn azamattar respýblıkalyq bıýdjettiń esebinen tegin medıtsınalyq kómektiń kepildik berilgen kólemi aıasynda vırýsqa qarsy terapııa qabyldap keledi. 2011 jáne 2015 jyldar aralyǵynda vırýsqa qarsy terapııaǵa 15 mlrd. teńgeden astam qarajat bólindi (balalardy emdeýge - 2,05 mlrd.teńge, eresek azamattardy emdeýge - 12,9 mlrd. teńge).
Sozylmaly vırýstyq gepatıttermen aýyratyn patsıentterdi tekserý men emdeý 16 gepatologııalyq ortalyqta júrgiziledi. 2013 jyly QR DSÁDM barlyq gepotologııalyq ortalyqtardy vırýstyq gepatıttiń aýyrlyq deńgeıin anyqtaý úshin (fıbroz deńgeıi) baýyrdy fıbroskandaý qurylǵylarymen jabdyqtady.
Esterińizge sala keteıik, «V» jáne «S» vırýsty gepatıtteri Áleýmettik máni bar jáne qorshaǵan ortaǵa qaýip tóndiretin aýrýlar tizimine jatady. Tizimge saı «V» jáne «S» vırýsty gepatıtterin tekserý men emdeý tegin júrgiziledi.
Aýrýdy anyqtaý jáne indettiń taralý qaýpin azaıtý maqsatynda azamattardy statsıonarlarǵa gospıtalızatsııalaý kezinde (josparly ota jasaý kezinde; gemodıalız, gemotologııa, onkologııa, transplantatsııa, júrek-qantamyr jáne ókpe hırýrgııalary bólimderi men ortalyqtarynyń patsıentterine) jáne medıtsınalyq qyzmetkerlerdi «V» jáne «S» júqpaly vırýstarynyń markerlerine tekserý júrgiziledi.