Qazaqstanda 10 myńnan astam adam jemqorlyq úshin sottalǵan
ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov Astanada ótip jatqan xalyqaralyq konferentsııada óz jumysynyń naqty nátıjelerin jarııalady, dep xabarlaıdy QazAqparat tilshisi.
"2001 jyldan beri Qazaqstanda jemqorlyq úshin 10 myńnan astam adam sottaldy. Olardyń ishinde 2 eks-premer, 17 tóraǵa, mınıstrler men olardyń orynbasarlary, 15 oblys pen qala ákimderi, ulttyq kompanııalardyń 8 top-menedjeri, kúsh qurylymdarynyń 8 jetekshisi, generalıtet bar. Bunyń barlyǵy adamnyń zań aldynda teń ekenin, qylmysty kim jasasa da, jazadan qutyla almaıtynyn kórsetedi" - deıdi Qojamjarov.
Onyń aıtýynsha, atalǵan sharalardyń arqasynda xalyqtyń ishinde sybaılas jemqorlyqqa qarsy kúreske senetinderdiń sany eki esege artty. Al para berý jaǵdaılary tómendedi.
"Árıne, uıymdastyrýshydan bastap oryndaýshyǵa deıingi barlyq qylmystyq tizbekti anyqtaý jumysyna negizgi basymdyq bergen jón. Al, eń bastysy, memleket qarjysyn jymqyrýdy áý bastan áshkereleý kerek", - dep atap kórsetti agenttik basshysy.
