Qazaqstanda 10 myńǵa jýyq ózbekstandyq joǵary bilim alýda
NUR-SULTAN. QazAqparat - Ózbekstanda qazaqstandyq joǵary oqý oryndarynyń bilim kórmesi ótýde. Bul týraly QazAqparat «Halyqaralyq baǵdarlamalar ortalyǵyna» silteme jasap habarlaıdy.
Shamamen 50 qazaqstandyq joǵary oqý orny Ózbekstanda bolyp jatqan bilim kórmesine qatysýda. Ýnıversıtet ókilderi áleýetti stýdenttermen jáne olardyń ata-analarymen kezdesýde.
Qazirgi tańda Qazaqstanda Ózbekstannyń 10 myńǵa jýyq azamaty joǵary bilim alyp jatyr. Bilim kórmeleri Tashkent qalasynda ótip ketti. Sondaı-aq olar Samarqand, Qarshy, Buqara jáne Núkis qalalarynda ótetin bolady. Kórmege shamamen 25 myń adam qatysady.
