Qazaqstanda 10 myńdaı adam KSRO-nyń tólqujatymen júr
ASTANA. 25 maýsym. QazAqparat - QR Prezıdenti janyndaǵy Adam quqyqtary komıssııasy shyǵarǵan «Qazaqstan Respýblıkasyndaǵy oralmandar, azamattyǵy joq adamdar men bosqyndar quqyqtarynyń ahýaly týraly» arnaıy baıandama Qazaqstanda burynǵy KSRO tólqujatymen júrgen azamattardyń bar ekendigin kórsetti.
Resmı málimetke sáıkes, 2011 jyly Qazaqstanda 7872 azamattyǵy joq adam tirkelgen. Olardyń ishinde TMD elderinen kelgen 7467 jáne shetelden shyqqan 405 adam bar. «9700 adamnyń azamattyǵy áli anyq emes. Olar áli kúnge deıin burynǵy KSRO-nyń tólqujatymen júr», - delingen baıandamada.
Al bosqyndar sanyna keler bolsaq, 2011 jyly olar 559 adam nemese 207 otbasyny quraǵan. Olardyń ishinde 313 tájik, 115 pýshtýn, 80 hazar, 35 ózbek jáne 16 ózge ult ókili bar.
