Qazaqstanda 10 mln. adam Internetke mobıldi qurylǵylar arqyly júginedi
ASTANA. 19 naýryz. QazAqparat - Qazaqstanda 10 mln. adam Internetti mobıldi qurylǵylar arqyly paıdalanady. Bul týraly búgin Úkimet otyrysynda QR Kólik jáne kommýnıkatsııa mınıstri Asqar Jumaǵalıev málim etti.
«Búginde mobıldi tehnologııalar arqyly ınternet paıdalanýshy abonentterdiń sany 10 mıllıonǵa jetip otyr. Bul óz kezeginde «elektrondyq úkimetti» mobıldik qurylǵylar (uıaly telefondar, planshetter, smartfondar) arqyly tanytýda óte mańyzdy»,-dep naqtylady mınıstr.
Osy oraıda ol bul kórsetkishter mobıldik qurylǵylar úshin «elektrondyq úkimettiń» «mobıldi úkimet» nusqasyn qurýǵa sebepshi ekenin jetkizdi.
«Biz atalǵan nusqany 2012 jylǵy 23 jeltoqsanda Elbasyna tanystyrdyq. Qazirgi kezde barlyq kózde barlyq elektrondy qyzmetterdi bundaı mobıldik baǵytqa tolyǵymen kóshirý josparlanyp otyr. Bul halyq arasynda «elektrondyq úkimetti» barynsha taratýǵa yqpal etedi»,-dedi A. Jumaǵalıev.
