Qazaqstanda 10 myńnan astam adam izdestirilýde, 2,1 myńǵa jýyǵy habarsyz joǵalǵan

ASTANA. KAZINFORM - Bas prokýratýranyń Quqyqtyq statıstıka jáne arnaıy esepke alý jónindegi komıtetiniń derekteri boıynsha qazirgi ýaqytta 10 178 adam izdestirilýde, olardyń 2 098 habar-osharsyz joǵalǵandar.

Joǵalǵan adamdardyń kóp bóligi Almaty qalasynda — 278 adam, sodan soń Qaraǵandy — 217, Pavlodar — 170, Almaty oblystarynda — 152 adam tirkelgen.

Úıden ketip, oralmaǵan — 1 572 adam, avtokólikpen joǵalǵan — 73, jumystan ketken — 38 adam dereksiz.

«Kóbinese 30-49 jas aralyǵyndaǵy er adamdar ártúrli jaǵdaılarda joǵalady (77%). Sondaı-aq, elde tergeý men sottan jasyrynǵan 2 378 adam izdestirilýde. Іzdeýde júrgender negizinen 31 men 40 jas aralyǵyndaǵy er adamdar (89%). Olardyń eń kóp sany alaıaqtyq (526), urlyq (309) jáne adam óltirý (143) deregi boıynsha:

Almaty qalasynda (496)
Astana qalasynda (183)
Shymkent qalasynda (149)
Almaty (164)
Qaraǵandy (148) oblystarynda izdestirilýde», — dep jazdy baqylaýshy organnan.

Qazaqstanda izdestirýdi ishki ister organdary, ekonomıkalyq tergeý qyzmeti jáne sybaılas jemqorlyqqa qarsy qyzmeti júzege asyratynyn eske salamyz.