Qazaqstanda 10 myńǵa jýyq adam bankrot dep tanyldy

Qazaqstanda bankrottyq protsess jeńildetiledi. Bul týraly Qarjy vıtse-mınıstri Erjan Birjanov aıtty, dep habarlaıdy Kazinform. 

«Sońǵy derekterge sáıkes, 80 myńnan astam adamnyń ótinishi qaralyp, qazir 10 myńǵa jýyq adam bankrot dep tanylyp jatyr. Bul baǵyttaǵy jumystardy naýryz aıynda bastaǵanymyzdy eskersek, sodan beri alty aı ýaqyt qujattardy tekserý rásimderine arnaldy. Osy rette, eki ret monıtorıng jasaldy. Sondyqtan alǵashqy bankrot mártebesin alǵandar qyrkúıek aıynan bastaldy», - dedi E.Birjanov Májilistiń jalpy otyrysynan keıin tilshiler suraǵyna jaýap bere otyryp.

Onyń aıtýynsha, qyrkúıekten beri 10 myńǵa jýyq adam bankrot retinde tanyldy.

«Ary qaraı bul baǵyttaǵy jumysty jalǵastyramyz. Qosymsha zańnamalyq ózgerister engiziledi. Atap aıtqanda, bankrottyq protsesti jeńildetýdi qarastyrdyq. Osy oraıda bankten alatyn qujattardyń sanyn azaıtý, qosymsha qujattarǵa tyıym salý eskerilgen. Máselen, adamdar ótinish berilgennen keıin, biz basqa memlekettik organdarmen jáne banktermen aqparat almasý arqyly bankrottyq rásimin qaraımyz. ıAǵnı qazir baıqalǵan kedergilerdi joıýǵa nazar aýdaryp otyrmyz», - dedi vıtse-mınıstr.

Onyń sózine qaraǵanda, tıisti ózgeristerdi zań jobasy aıasynda Májilis depýtattary qarastyryp jatyr.

«Kelesi jyldyń basynda zańnamaǵa ózgerister engizilip, múmkindikter keńeıtiledi», - dedi Erjan Birjanov.

Aıta keteıik, bıyl qazan aıynyń aıaǵynda 6 myńnan astam qazaqstandyq bankrot dep tanyldy. 

Bankrot dep tanylǵandardyń arasynda er azamattardyń sany 58 paıyz boldy.