Qazaqstanda 10 qarashada bolatyn mańyzdy sharalarǵa sholý

9:00 - 18:00 QR Ulttyq mýzeıinde Memlekettik Ermıtaj kúnderiniń ashylýy bolady.

IH Halyqaralyq kongres «Bedeýlikti emdeýdiń zamanaýı tásilderi» IH Halyqaralyq kongresi «Radisson Hotel»de tańǵy 9-da bastalady.

Jıynǵa QR Densaýlyq saqtaý mınıstri Eljan Birtanov, Parlament Májilisiniń depýtaty Gúlnara Ihsanova, professorlar, alǵashqy probırkada jaralǵan balanyń avtorlary A.I. Nıkıtın, E.A.Kalının qatysady.

9:00-de «Comfort Hotel Astana» qonaq úıinde «Atameken» UKP «Dýaldy bilim berý aıasynda kásibı mamandardyń biliktiligin arttyrý» forýmy ótedi.

Jastar úıinde 9:30-da halyqaralyq «Rozy Kazahstana» festıval baıqaýy ótedi.

10:00-de Senat ǵımaratynda QR Prezıdentiniń Qazaqstan halqyna «Úshinshi jańǵyrtý: jahandyq básekege qabilettilik» joldaýyndaǵy mindetterdi júzege asyrý maqsatynda Qazaqstan ekonomıkasyna ınvestıtsııa tartý taqyrybynda dóńgelek ústel ótedi.

EKSPO-2017 kongress ortalyǵynda 10.00-de Alash úkimetiniń 100 jyldyǵyna baılanysty «Qoǵamdyq sanany rýhanı jańǵyrtý: Alash pen táýelsizdik ıdeıalarynyń sabaqtastyǵy» jıyny ótedi. Sharaǵa QR Memlekettik hatshysy Gúlshara Ábdihalyqova qatysady.

Plenarlyq otyrystan soń «1917 jylǵy Reseı revolıýtsııasy men Alash-Orda», «Alash Ordanyń saıası platformasynyń novatorlyq ıdeıasy: Damýy men júzege asýy» sektsııalyq jıyndar ótedi. Ǵalymdar Alash zııalylarynyń táýelsizdik pen egemendik jolynda atqarǵan jumystaryna baǵa beredi.

10:00-22:00 «KERUENCITY» saýda úıinde 2017 - Fashion Market By Aff 5 maýsymy ótedi. Kelýshiler jańa kolektsııalarmen tanysyp, dızaınerlermen tikeleı tildese alady.

«Big Shanhaı» ǵımaratynda saǵat 10:00-13:00 arasynda «Astana jastary» MKK jastarǵa keńestik kómek kórsetedi.

11.00-de Májiliste «Nur Otan» partııasynyń músheleri, depýtattar «Memlekettik-jekeshelik áriptestikti damytý tetikterin jetildirý» taqyrybynda otyrys ótkizedi.

11:00-de Ulttyq Akademııalyq kitaphanada Iran kallıgrafısi (qusnı jazý) Rasýl Mohammadıhahtyń jeke kórmesi ótedi.

12:00-de Nazarbaev ýnıversıtetinde Respýblıkalyq «Shapaǵat» baıqaýynyń jeńimpazdary marapattalady.

Sharany QR Ádilet mınıstrligi men «Zııatkerlik menshik Ulttyq ınstıtýty» RMK, Nazarbaev ýnıversıteti uıymdastyryp otyr.

12.00-de QR Ulttyq kitaphanasynda MVA baǵdarlamasy aıasynda «Zhangyru» korporatıvti oqytý kýrsyna bilim granttaryn tabystaý saltanaty ótedi.

L.N.Gýmılev atyndaǵy EUÝ -de 13:00-de «Mustafa Kemal Atatúrik» fotokórmesi ótedi.

«Energııa holynda» 17.00-de EKSPO-2017 kórmesi aımaǵynda týrıstik aımaqtyń ashylý saltanaty ótedi.

Sharaǵa «Astana EKSPO-2017» UQ AQ basqarma tóraǵasy A. Esimov, Astana ákimi Á. Isekeshev basqa da qaıratkerler qatysady.

Almatyda 10:00-de QR Prezıdentiniń Qazaqstan halqyna «Úshinshi jańǵyrtý: jahandyq básekege qabilettilik» joldaýy men «Bolashaqqa baǵdar: qoǵamdyq sanany jańǵyrtý» maqalasyn júzege asyrý maqsatynda Almaty temirjol kóligi kolledjinde «Jańǵyrtý aıasynda ınnovatsııalyq bilim berý tehnologııalaryn paıdalaný» atty óńirlik ǵylymı praktıkalyq konferentsııa ótedi.

Otyrysqa Almatydaǵy 25 kolledjdiń 50 muǵalimi men 4 aımaqtyq kolledj ókilderi qatysady.

Ortalyq memlekettik mýzeıde 11:00-de QR Tuńǵysh Prezıdenti kitaphanasynyń kóshpeli jobasy tanystyrylady. Bul joba aıasynda QR Prezıdenti kúnine ári Táýelsizdik kúnine daıyndyq retinde ǵylymı konferentsııalar, semınarlar, trenıngter, sholý ekskýrsııalar, «Model Nazarbaeva» kitabynyń tanystyrylymy ótedi.

Jobanyń negizgi sharasy «N. Nazarbaev: epoha, lıder, obşestvo» qor kórmesi uıymdastyrylady.

Kelýshiler nazaryna kitaphananyń arhıv, kitap, mýzeı qorynyń sırek jádigerleri, Elbasynyń joǵary memlekettik marapattary, Qurandar kollektsııasy, ózge memleket basshylarynyń qoltańbasymen kitaptar, N.Nazarbaevtyń shet tilindegi kitaptary qoıylady.

11:00-de Esentai Mall-daǵy Kinopark 11 -de «Brodveı» (brod.kz) kınoportalynda Qazaqfılm kınoqory bóliminiń ashylýy týraly baspasóz máslıhaty ótedi.

Otandyq kınematografııa onlaın kınoteatrde alǵash ret osyndaı kólemde berilip otyr.

«Qazaqfılm» 645 fılm, onyń ishinde - 208 kórkem fılm, 332 derekti fılm, 105 anımatsııalyq fılm qoımaq.

10 qarasha kúni saǵat 15:00-de «Ǵylym Ordasynda» elimizdiń ǵylymı-ınjenerlik qaýymdastyǵy QR Ulttyq ınjenerlik akademııasynyń (QR UIA) Jalpy jınalys sessııasynda 2016-2017 jyldaryn qorytyndylaıdy jáne ǵylymı-ınjenerlik máselelerdiń keleshegin qarastyrady. Jınalysta Akademııanyń prezıdenti, akademık Baqytjan Jumaǵulov baıandama jasaıdy. Ol Elbasynyń halyqqa Joldaýynda alǵa qoıǵan - Qazaqstannyń Úshinshi jańǵyrýyn júzege asyrýda naqty kezeń-kezeńmen josparlanǵan is-áreketterdi, ekonomıkalyq ósimniń jańa modelderin qurýda, máselelerdi sheshýde elimizdiń ǵylymı-tehnıkalyq, ınjenerlik zııalylardyń rólin atap ótedi.

Akademııa basshylyǵyn, tolyq músheleri men múshe-korrespondentterin saılaý, Halyqaralyq ınjenerlik akademııa múshelerin jáne Tóralqa múshelerin kooptatsııalaý ótedi.

Sessııada ınjenerlik qyzmetkerlerdiń kásibıligin arttyrý, elimizdiń úzdik ınjenerleriniń jetistikterin jáne tájirıbesin nasıhattaý, ınjener mamandyǵyn tanytý maqsatynda jyl saıyn ótetin «2017 jyldyń úzdik ınjeneri» atty Respýblıkalyq baıqaýynyń qorytyndysyn shyǵarady.

15:00-de Almaty qalalyq sotynyń ǵımaratynda «Korporatıvti daýlardy sheshýdegi sot tájirıbesi» konferentsııasy ótedi.

Semınardy QR Joǵarǵy sotynyń sýdıalary A.K. Eskendirov pen Ý.A.Súleımenova vıdeokonferentsııa arqyly júrgizedi.

Semınarǵa qalalyq sot tóraǵasy Nurǵazy Abdiqanov, qalalyq sot sýdıalary, ekonomıkalyq ister boıynsha aýdanaralyq mamandandyrylǵan sotynyń tóraǵasy Dáýlen Balyqov, ekonomıkalyq sottardyń sýdıalary, «Atameken» UKP ókilderi qatysady.