Qazaqstanda 10 aıda azyq-túlik taýarlary 8,3 paıyzǵa qymbattady

NUR-SULTAN. QazAqparat - 2020 jylǵy 10 aıda baǵa azyq-túlik taýarlaryna – 8,3, azyq-túlik emes taýarlaryna – 4,5, aqyly qyzmetterge 3 paıyzǵa joǵarylady. Bul týraly QR UEM Statıstıka komıtetinen málim etti, dep habarlaıdy QazAqparat tilshisi.

Vedomstvo málimetinshe, qazanda (2020 jylǵy qyrkúıekke) baǵanyń ósýi jumyrtqaǵa – 10,3, qumshekerge – 7,3, kúnbaǵys maıyna – 6,3, jańa jınalǵan kókónisterge – 2,8, kartopqa – 2,1, sútke – 1,4, shaıǵa – 1, qoı etine – 0,9, unǵa, sary maıǵa – 0,8, makaron ónimderine, jylqy etine – 0,7, nanǵa – 0,6 paıyz belgilendi. Temeki ónimderi – 1,8, salqyndatylǵan sýsyndar 0,6 paıyz qymbattady. Baǵanyń tómendeýi jańa jınalǵan jemisterge – 3,9, taýyqtyń sıraǵyna 1,1 paıyzǵa tirkeldi.

Baǵa ósimi keńse taýarlarǵa, dári-dármekke – 0,8, jýǵysh jáne tazalaǵysh quraldarǵa, avtomobılderge – 0,7, toqyma buıymdaryna, kıim jáne aıaq kıimge, jıhaz jáne úıge qajetti zattarǵa 0,6 paıyzdy qurady.Tas kómir 1,4 paıyz qymbattady.

Baǵa deńgeıi monshaǵa barý – 0,8, sporttyq keshender qyzmetterine – 0,7, stomatologııalyq qyzmetterine – 0,6, qoǵamdyq tamaqtandyrý qyzmetterine 0,5 paıyz ósti. Áýe kóligimen jol júrý aqysy 2,4 paıyz arzandady.

Turǵyn úı-kommýnaldyq qyzmetter salasynda tarıfter qoqys shyǵarý – 6,7, sýyq sýǵa – 2,5, kárizge – 2, elektr energııasyna – 0,7, ystyq sýǵa 0,3 paıyz ósti.