Qazaqstanda 10 aqpannan bastap kıik atýǵa qaıtadan tyıym salyndy

ASTANA. KAZINFORM — Elimizdiń aýmaǵynda kıik aýlaý ýaqytsha toqtady. Bul týraly Parlament Májilisinde orman qorǵaý taqyrybyna arnalǵan Úkimet saǵatynan keıin tilshilerge QR Ekologııa jáne tabıǵı resýrstar mınıstri Erlan Nysanbaev aıtty.

«Otandyq ǵalymdarmen jáne halyqaralyq sarapshylarmen keńesip, pikirtalas júrgizgennen keıin kıik atý toqtatyldy. Sonymen qatar, qazir qys kezinde dalada júrý qıyndady. Sondyqtan 10 aqpannan bastap kıikterdiń sanyn retteý protsesin toqtattyq», - dedi E. Nysanbaev.

Onyń aıtýynsha, kıik aýlaý jumystary kelesi jyly jalǵasady.

«Byltyrǵy tájirıbeni eskere otyryp, bıyl egjeı-tegjeıli esep júrgiziledi. Aldyn ala esepteý boıynsha shamamen 40 paıyz ósim boldy. Jalpy, byltyrǵy ósimdi esepke alǵanda tóldeıtin ýaqytta shamamen 2,5-2,6 mıllıon bas bolady. Tipti pessımıstik jaǵdaıda da bıyl ósim baıqalady», - dedi mınıstr.