Qazaqstanda 1 jasqa deıingi sábıge 10 ekpe salynady
Bul jaıynda QazAqparattyń resmı saýalyna oraı elimizdiń Densaýlyq saqtaý mınıstrliginen málim etti.
«Qazaqstanda bala dúnıe kelgennen 1 jasqa tolǵanǵa deıin 10 ekpe salynady. Onyń ekeýi - týberkýlez ben «V» vırýstyq gepatıtine qarsy ekpe bala dúnıege kelgen alǵashqy 4 kúnde egiledi. Qalǵan 8-i Aldyn ala ekpe jasaý ulttyq kúntizbesine sáıkes 2, 3, 4 jáne 12-15 aılyq kezinde kókjótel, dıfterııa, sirespe, b úlgisindegi gemofıldi ınfektsııa, polıomıelıt, pnevmokokk ınfektsııasy, parotıt, qyzylsha, «V» vırýstyq gepatıtine qarsy salynady»,- delingen habarlamada.
Mınıstrlik aqparatyna sáıkes, Qazaqstandaǵy aldyn ala ekpe jasaý ulttyq kúntizbesi Dúnıejúzilik densaýlyq saqtaý uıymynyń usynysyna saı keledi jáne Avstrııa, Izraıl, Belgııa, Germanııa, Túrkııa, Japonııa syndy damyǵan elderdiń ımmýndaý kestesine uqsas.
Máselen, Germanııada bala bir jasqa deıin - 10 , Frantsııada - 14, Avstrııada - 12, Belgııada 8 ekpe alady.
Sondaı-aq mınıstrlik Qazaqstandaǵy Aldyn ala ekpe jasaý ulttyq kúntizbesine ózgerister enizý josparlanyp otyrmaǵandyǵyn habarlady.
«Aldyn ala ekpe jasaý ulttyq kúntizbesi Dúnıejúzilik densaýlyq saqtaý uıymynyń usynysyna jáne damyǵan elderdiń basym bóliginiń ımmýndaý kestesine saı keledi»,- delingen aqparatta.