Qazaqstanda 1 jasqa deıingi sábı shetineýi 8 paıyzǵa kemidi
ASTANA. QazAqparat - Qazaqstanda 1 jasqa deıingi sábı shetineýi 8 paıyzǵa kemidi. Bul týraly QR Statıstıka agenttiginiń tóraǵasy Álıhan Smaıylov málim etti.
«1 jasqa deıingi náreste shetineýi kórsetkishi 8 paıyzǵa azaıdy», - dedi Á.Smaıylov.
Agenttik málimetterine qaraǵanda, 2014 jyldyń qańtar-sáýirinde respýblıkada 1 jasqa deıingi 1429 náreste shetinegen. Sábılerdiń shetineýine perınataldy kezeńde týyndaıtyn jaǵdaılar basty sebep bolyp otyr. Osy sebeptermen osy jyldyń 4 aıynda 766 bala kóz jumǵan.
Al týa bitken aýytqýlardan 283, tynys organdary aýrýlarynan 119 jáne jazataıym jaǵdaıdan, ýlaný men jaraqattan 67 bala qaıtys bolǵan.
