Qazaqstanda 1 jasqa deıingi náresteniń shetineýi 16,6 paıyzǵa kemidi - Á.Smaıylov
ASTANA. QazAqparat - Qazaqstanda 1 jasqa deıingi náresteniń shetineýi 16,6 paıyzǵa kemidi. Bul týraly búgin QR Statıstıka agenttiginiń basshysy Álıhan Smaıylov málim etti.
Onyń atap ótýinshe, 2014 jyldyń qańtarynda respýblıkada 1 jasqa deıingi 401 náresteniń shetineýi tirkelgen. Bul kórsetkish ótken jyldyń sáıkes kezeńimen salystyrǵanda 16,6 paıyzǵa azaıǵan.
Aıta keterligi, náreste óliminiń negizgi sebebi perınataldyq kezeńde paıda bolatyn jaǵdaılardan bolyp otyr. Sonyń saldarynan aǵymdaǵy jyldyń qańtarynda 201 náreste kóz jumǵan. Al týa bitken aýytqýlardan 85, tynys organdary aýrýlarynan 37, jazataıym jaǵdaıdan, al ýlanýdan jáne jaraqattan 15 sábı shetinedi.
Sondaı-aq osy jyldyń qańtar aıynda AHAT organdarynda 9,8 myń neke tirkelgen. Ótken jyldyń sáıkes kezeńimen salystyrǵanda nekege otyrýshylar sany 10,9 paıyzǵa kemidi. Atalǵan kezeńde ajyrasýlar kórsetkishi de 2,4 paıyzǵa azaıyp otyr.
