Qazaqstanda 1 jasqa deıingi nárestelerdiń ólim-jitimi azaıdy
ASTANA. QazAqparat - 2014 jylǵy qańtar-naýryzda respýblıkada 1 jasqa deıingi 1050 náreste ólimi tirkelip, 2013 j. sáıkes kezeńimen salystyrǵanda 8,7% azaıdy. Bul týraly búgin QR Statıstıka agenttigindegi brıfıngte osy vedomstvonyń tóraǵasy Álıhan Smaıylov málim etti.
«Náreste ólim-jitiminiń negizgi sebebi - perınataldyq kezeńde paıda bolatyn jaǵdaılar, ıaǵnı budan bıylǵy qańtar-naýryzda 572 náreste shetinedi. Bul náresteler arasyndaǵy ólim jaǵdaıynyń jalpy sanynyń 54,5 paıyzyn qurady. Týa bitken aýytqýlardan qaıtys bolǵan náresteler sany 195 nemese 18,6 paıyz, tynys organdary aýrýlarynan - 90 nemese 8,6 paıyz jáne jazataıym jaǵdaıdan, ýlaný men jaraqattan - 45 oqıǵa nemese 4,3 paıyzdy qurady», - dedi agenttik basshysy.
Aıta keteıik, 2014 j. qańtar-naýryzda AHAT organdarynda 92,8 myń jańa týylǵan sábıler tirkeldi, bul kórsetkish 2013 jylǵy qańtar-naýryzǵa qaraǵanda 0,5% kóp.
