Qazaqstanda 1 tıpti qant dıabetine shaldyqqan 605 bala úzdiksiz teriasty ınfýzııasy júıesimen em alýda

Bul týraly búgin  QR Densaýlyq saqtaý mınıstrligi Medıtsınalyq kómek kórsetý departamentiniń dırektory Ajar Tóleǵalıeva málim etti.

«Qazaqstanda 200 myńnan astam adam qant dıabeti aýrýyna shaldyqqan. Onyń 1600-deıi balalar. Olar dárigerlerdiń jiti qaǵalaýynda. 605 bala úzdiksiz teriasty ınfýzııasy júıesimen em alýda.  Biz bul tásilmen 5 jastan 15 jasqa deıingi aralyqtaǵy balalardy emdeýdemiz», - dedi ol.

Onyń atap ótýinshe, ınsýlın pompalary memlekettik bıýdjet qarajaty esebinen satyp alynýda. Bir ınsýlın pompasynyń quny shyǵys materıaldaryn qosa eseptegende jylyna 630 myń teńgeni quraıdy. Al aldaǵy jyly qajetti dári-dármekti satyp alýǵa bıýdjet qarajatynan 200 mln-nan astam teńge bólý kózdelgen.

Mamandardyń aıtýynsha, búgingi tańda pompalyq ınsýlınoterapııa 1 tıpti qant dıbetin emdeýde barynsha fızıologııalyq jáne az ınvazıvti ádis bolyp otyr. Sonymen qatar kómirsýlardyń ornyn toltyrý men qant dabetiniń kesh asqynýlarynyń aldyn alýda tıimdi sanalady.

Aıta keteıik, elimizde 1996 jyldan beri qant dıabetin emdeıtin preparattar men quraldardy ortalyqtandyrylǵan júıemen satyp alý úshin respýblıkalyq bıýdjetten qarjy bólinip keledi ári onyń kólemi jyl saıyn artýda. Máselen, 2003 jyly bul maqsatqa 1,167 mlrd. teńge bólinse, 2013 jyly bul kórsetkish 5 mlrd. teńgege jýyqtamaq.