Qazaqstanda 1 tamyzdan bastap ChatGPT-ge jazylý quny QQS-qa baılanysty qymbattaıdy
ASTANA. KAZINFORM – OpenAI 2025 jyldyń 1 tamyzynan bastap qazaqstandyq paıdalanýshylar úshin jazylym baǵasyna qosylǵan qun salyǵyn (QQS) qosa bastaıdy, dep habarlaıdy Kazinform menshikti tilshisi.
ChatGPT Plus tarıfi aǵymdaǵy 12% QQS mólsherlemesin esepke alǵanda aıyna $20-dan $22,40-ǵa deıin ósedi.
OpenAI naqtylaýynsha, Qazaqstanda QQS tóleýshi retinde tirkelgen zańdy tulǵalar men jeke kásipkerler salyq tóleýden jaltarýy múmkin. Ol úshin akkaýnttyń salyq derekteri bóliminde 2025 jyldyń 1 tamyzyna deıin BSN kórsetý kerek. Áıtpese, salyq somasy jeke tulǵalar úshin tólemge qosylady.
Eske sala ketsek, mamyr aıynda Memlekettik kirister komıteti ChatGPT-di
Qazaqstanda qosymsha qun salyǵyn tóleýshi retinde tirkedi.
Buǵan deıin Memleket basshysy jańa Salyq kodeksine jáne «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» Zańǵa qol qoıǵanyn habarlaǵan bolatynbyz.
Onda qosylǵan qun salyǵynyń (QQS) jańa bazalyq mólsherlemesi 16 paıyz bolyp bekitildi, al QQS boıynsha mindetti esepke qoıý úshin aınalymnyń tómengi shegi 10 myń aılyq eseptik kórsetkishke (40 mıllıon teńge) deıin tómendetiledi.