Qazaqstanda 1 naýryzda ótetin mańyzdy sharalarǵa sholý
ASTANA
10.00-de Astanadaǵy Dostyq úıinde Alǵys aıtý kúnine arnalǵan mereke ótedi.
10.00-de №1 óner mektebinde QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Astana qalasy boıynsha departamenti Bilim basqarmasymen birlese otyryp, oqýshylar men stýdentterdiń sybaılas jemqorlyqqa qarsy bilimin jetildirý maqsatynda "Men ádildikti súıemin" uranymen sýretter men shyǵarmalar baıqaýyn ótkizedi.
11.00-de QR Prezıdenti Nursultan Nazarbaevtyń «Nur Otan» partııasynyń XVIII sezinde atap ótken bastamalaryn qoldaý maqsatynda QR Kásipodaqtar federatsııasynyń Atqarý komıteti kezekten tys keńeıtilgen otyrys ótkizedi.
11.00-de Sputnik Qazaqstan mýltımedııalyq baspasóz ortalyǵynda 2019 jylǵa tegin medıtsınalyq kómektiń kepildendirilgen kóleminiń sheńberinde densaýlyq saqtaý sýbektilerinen medıtsınalyq qyzmetterdi satyp alý qorytyndysy týraly brıfıng ótedi.
11.00-de QR Ulttyq mýzeıinde «Alǵys aıtý» kúnine oraı ótetin «Shyn júrekten alǵys aıtamyn» atty merekelik shara ótedi.
11.00-de «Nur Otan» partııasynyń 20 jyldyǵyna oraı partııa músheligine qabyldaý rásimi ótedi.
12.00-de Astana qalasy ákimdiginiń «Mamandandyrylǵan balalar úıinde» «Alǵys aıtý kúni» merekesine arnalǵan shara ótedi.
12.20-da Ortalyq kommýnıkatsııalar qyzmetinde Alǵys aıtý kúnine arnalǵan baspasóz maslıhaty ótedi.
14.30-da Qazmedıa ortalyǵynda Aqparat jáne qoǵamdyq damý mınıstrligi 2018 jyly atqarylǵan jumystar men 2019 jyly iske asyrylatyn mindetter týraly keńeıtilgen alqa májilisin ótkizedi.
16.00-de Beıbitshilik jáne kelisim saraıynda Qazaqstan halqy Assambleıasynyń Alǵys aıtý kúnine arnalǵan saltanatty jıyny ótedi.
ALMATY
11.00-de «Alataý» dástúrli óner teatrynda Alǵys aıtý kúnine arnalǵan saltanatty shara ótedi. Oǵan Almaty qalasy ákiminiń orynbasary A. Qyryqbaev, qalalyq máslıhat depýtattary, Qazaqstan halqy Assambleıasynyń músheleri, respýblıkalyq jáne qalalyq etnomádenı birlestikterdiń ókilderi, mádenıet jáne óner qaıratkerleri jáne basqa da qonaqtar qatysady.
11.00-de «Qazaqfılm» kınostýdııasynda «Qasymhan» tarıhı serıalyna kastıng ótedi. Serıal QR Mádenıet jáne sport mınıstrliginiń tapsyrysymen túsiriledi.
15.00-de Lıtva Respýblıkasymen yntymaqtastyqty nyǵaıtý aıasynda Qazaq ulttyq medıtsınalyq ýnıversıtetinde Lıtva Respýblıkasynyń Táýelsizdik kúnine arnalǵan fotograf jáne baspager Marıýs Iovaıshtyń fotokórmesi ótedi.
AQMOLA OBLYSY
11.00-de Kókshetaý qalasyndaǵy Neke saraıynda «Uly Dala jastary» taqyrybynda Aqmola oblysynyń ákimi Málik Myrzalınniń oblys jastarymen kezdesýi ótedi.
