Qazaqstanda 1 naýryzda ótetin mańyzdy sharalarǵa sholý

ASTANA

Saǵat 09:00-de QR Kásipodaqtar Federatsııasynyń tóraǵasy Astana qalasyndaǵy «Lokomotıv qurastyrý zaýytynyń» ujymymen kezdesedi. Júzdesý barysynda kásipodaqtar jumysy men kásiporyndardaǵy eńbekti qorǵaý óndiristik keńesin qurý boıynsha túsindirme júrgiziledi. Sharanyń ótetin orny - Abaı kóshesi 38.

Saǵat 09:30-da «Dýman» qonaq úıinde Qazaqstandaǵy aýyl sharýashylyǵy tehnıkalarynyń qazirgi jaǵdaıy, tehnıka satyp alýda qarjylyq qoljetimdilikti arttyrý jáne aýyl sharýashylyǵy taýaryn óndirýshilerdiń tehnıkany satyp alýy kezinde kedergilerdi joıý taqyrybynda dóńgelek ústel ótedi.

Saǵat 10:00-de Parlament Senatynyń otyrysy bastalady.

Saǵat 11:00-de Parlament Májilisinde «Tótenshe jaǵdaılardan eskertý men olardy joıý boıynsha memlekettik júıeniń damytýdyń qazirgi kúıi men keleshegi» atty dóńgelek ústel bastalady.

Saǵat 11:00-de Astana qalalyq TJD Búkilálemdik Azamattyq qorǵanys kúnine oraı kontserttik baǵdarlamamen birge saltanatty shara ótkizedi. Shara Oqýshylar saraıynda uıymdastyrylady.

Saǵat 14:40-ta Beıbitshilik jáne Kelisim saraıynda QR Memlekettik Hatshysy G.N.Ábdihalyqovanyń qatysýymen «Alǵys aıtý kúnine» oraı Qazaqstan halqy Assambleıasynyń saltanatty sharasy bastalady.

ALMATY

Saǵat 08:30-da «Aq bulaq» saıajaıynda elimizdiń quqyqq qorǵaý júıesin jetildirý máseleleri boıynsha jetinshi jyl saıynǵy halyqarayq ǵylymı-tájirıbelik konferentsııa bastalady.

Saǵat 10:00-de QR Ulttyq kitaphanasynda Alǵys aıtý kúnine oraı ashyq esik kúnderi bastalady. Ashyq esik kúnderi aıasynda jastar flesh-moby men «Alǵysym sheksiz - halqyma» kontserttik baǵdarlamasy uıymdastyrylady.

Saǵat 11:00-de Dostyq úıinde Alǵys aıtý kúnine oraı «Qazaqstan - birlik pen tatýlyqtyń mekeni» atty shara ótkiziledi. Shara aıasynda kontserttik baǵdarlama usynylyp, qolóner týyndylarynyń kórmesi men Almaty qalasynyń etnomádenı birlestikteriniń ulttyq aspazdyq óneriniń kórmesi ótedi.

Saǵat 11:00-de T.Júrgenov atyndaǵy Qazaq ulttyq óner ýnıversıtetinde «Qazaqstannyń 100 jańa esimine» engen Zaır Azızovpen stýdentterdiń kezdesýi ótedi.

Saǵat 12:00-de «Alataý» shańǵy-bıatlon kesheninde qazaqstandyq sporttyq delegatsııany Phenchan qalasynda ótetin XII Paralımpıada oıyndaryna shyǵaryp salý rásimi ótedi.

Saǵat 19:00-de Mega parkte «MUZENERGY-2018» stýdenttik festıvaliniń «#ME_fest» merekelik kontserti ótedi. Shara Alǵys aıtý kúnine arnalǵan.

Saǵat 19:00-de «Arman» kıno ortalyǵynda «Baýyr» fılminiń kórsetilimi bastalady. Týyndy qazaq tilinde orys sýbtıtrlerimen kórsetiledi. Fılmniń rejısseri - Serik Aprymov.

ShYMKENT

Saǵat 11:00-de Óńirlik kommýnıkatsııalar qyzmetinde «Shymkent»ÁKK»UK» AQ  basqarma tóraǵasy A.Aldajarov  2017 jyldyń  qorytyndysy men 2018 jylǵa  mejelengen josparlar boıynsha baspasóz máslıhatyn ótkizedi. Ótetin orny: Ákimshilik iskerlik ortalyq, 16-qabat.

Saǵat 11:00-de Ońtústik Qazaqstan oblystyq sotynda (Shymkent qalasy Túrkistan kóshesi № 87 úıde ornalasqan) ótetin «Elektrondy sot  tóreligindegi» jańashyldyqtarmen BAQ ókilderin praktıka júzinde (kórneki túrde) tanystyrýǵa arnalǵan press-týr uıymdastyrylady.

Saǵat 16.30-da Ál-Farabı alańy, «Shymkent Plaza» saýda ortalyǵynda Azamattyq qorǵanys halyqaralyq uıymynyń Bas Assambleıasynyń ІH buryshtamasyna sáıkes «Dúnıejúzilik Azamattyq qorǵaý» kúni atalyp ótedi. Saýda ortalyǵynda halyqtyń arasynda azamattyq qorǵaý salasyndaǵy qarapaıym qaǵıdalardy túsindirý jumystary praktıkalyq turǵydan kórsetiledi. Іs-sharaǵa OQO TJ departamentiniń jedel-qutqarý jasaǵy, apattar medıtsına ortalyǵynyń mamandary, órt sóndirý bóliminiń órt sóndirýshileri qatysady.

AQTÓBE

Saǵat 15.00-de «Qazaq halqyna myń alǵys» monýmenti alańynda Alǵys aıtý kúnine arnalǵan saltanatty merekelik shara ótedi.

Saǵat 11.00-de Aqtóbe oblysynyń Óńirlik kommýnıkatsııalar qyzmeti alańynda «Halyqaralyq jáne qalaaralyq jolaýshylar avtobýstaryna júrgizilgen reıd sharalary, respýblıkalyq mańyzy bar joldardyń jaǵdaıy,  jol qurylysy, jol salý jáne jóndeý jumystary» taqyrybynda baspasóz máslıhaty ótedi.

KÓKShETAÝ

Saǵat 11:00-de : Aqmola oblysy ákiminiń apparaty janyndaǵy «Qoǵamdyq kelisim» KMM-de (Dostyq úıi) Alǵys aıtý kúnin toılaýǵa arnalǵan saltanatty is-shara ótedi.