Qazaqstanda 1 myńnan astam ońtústikkoreıalyq kompanııa jumys isteýde
«Sońǵy 10 jylda shteldik ınvestıtsııanyń Qazaqstanǵa jyl saıynǵy tartylýy deńgeıi 10 esege ósti. Eger de 2005 jyly koreı ınvestıtsııasynyń Qazaqstanǵa baǵyttalǵan kólemi 50 mln dollar bolsa, al 2018 jyldyń qorytyndysy boıynsha bul kórsetkish 500 mln dollarǵa jetti», - dedi «Kazakh Invest» UK» AQ basqarma tóraǵasynyń orynbasary Rýstam Isataev.
Onyń sózine qaraǵanda, 2005 jyldan beri ońtústikkoreıalyq bıznesmender Qazaqstanǵa 5 mlrd dollardan astam tikeleı ınvestıtsııa saldy.
«Búginde Qazaqstanda 1 myńnan astam koreı kompanııalary tirkelgen. «Kazakh Invest» 4,8 mlrd dollar somasynda Ońtústik Koreıa kapıtalynyń qatysýymen 42 jobany qamtydy. Onyń ishinde 20 joba tabysty túrde iske qosyldy», - dedi «Kazakh Invest» UK» AQ basqarma tóraǵasynyń orynbasary Rýstam Isataev Qazaqstan-Koreıa bıznes-forýmynda.
