Qazaqstanda 1 mln. gektardan astam alqap jaramsyz dep tabyldy - AShM
ASTANA. 9 qazan. QazAqparat - Qazaqstanda 1 mln. gektardan astam alqap jaramsyz dep tabyldy. Bul týraly búgin qurǵaqshylyq zardaptaryna qarsy turý boıynsha selektorlyq otyrysta QR Aýyl sharýashylyǵy mınıstri Asyljan Mamytbekov aıtty.
Onyń aıtýynsha, zardap shekken alqaptardyń 90 paıyzy Qostanaı, Aqmola, Aqtóbe jáne Batys Qazaqstan oblystaryna tıesili.
Jınalysta aıtylǵandaı, negizinen egin orý naýqany aıaqtalyp qaldy. Oblystardyń málimetteri boıynsha 15,2 mln. gektar alqaptan, ıaǵnı jalpy egis alqabynyń 99 paıyzynan dándi daqyldar jınaldy. Jınalǵan astyqtyń alǵashqy salmaǵy 14,3 mln. tonna boldy. Bul ortasha shyǵymdylyq tsentnerine 9,4 gektardy qurady degen sóz.
Jınalysta oblys ákimderi men múddeli organdarǵa kelesi jyldyń astyǵyn egýge daıyndalý, tuqym sebý, janarmaımen qamtamasyz etý jáne tehnıka ázirligi máselelerin qarastyrý boıynsha usynystar berildi.
