Qazaqstanda 1 mıllıonnan astam adam tirkeýsiz júrdi - kóshi-qon polıtsııasy
ASTANA. QazAqparat - Astana qalalyq kóshi-qon polıtsııasy basqarmasynyń bastyǵy Gúlvıra Dónenbaevanyń aıtýynsha, ýaqytsha men turaqty tirkeýdi aqyly túrde júrgizetin pysyqaılardyń «bıznesi» áli de báseńdeıtin emes, dep habarlaıdyQazAqparat tilshisi.
«Ýaqytsha tirkeý týraly zań kúshine engeli beri Qazaqstanda 1 mıllıon 442 myń adam tirkeýge turdy. Olardyń ishinde 695 000 adam turaqty tirkeýge tursa, 746 myńy - ýaqytsha tirkeýge otyrǵandar», - dedi Dónenbaeva «Vechernıaıa Astana» gazetine bergen suhbatynda.
Aıta keteıik, jyl basynan beri Astananyń ózinde 250 myń adam tirkeýge turdy. Endi, osy málimetterdiń negizinde jergilikti atqarýshy organdar mindetti áleýmettik medıtsınalyq saqtandyrýdy engizý, mektep pen balabaqshalardy salý, jalpy qalany damytý josparlaryn túzete alady.
«Negizi, baspananyń aýdanyna qaraı árbir adamdy tirkeýge qoıý tetikteri zańmen bekitilgennen keıin Astanada páterdi jasyryn jalǵa berý áreketteri azaıýy tıis. Degenmen, Prezıdenttiń tikeleı tapsyrmasy men jergilikti bıliktiń qolǵa alyp jatqan sharalaryna qaramastan,páterdi zańsyz jalǵa berý men tirkeýge qoıý bıznesi áli de báseńdeıtin emes», - deıdi Dónenbaeva .
