Qazaqstanda 1 maýsymda balalarǵa tegin medıtsınalyq kómek kórsetiledi
ASTANA. QazAqparat - 1 maýsymda Halyqaralyq balalar quqyǵyn qorǵaý kúni elimizdiń alǵashqy medıtsınalyq-sanıtarlyq kómek kórsetý uıymdarynda balalar úshin ashyq esik kúnderi ótedi, dep habarlady QR Densaýlyq saqtaý jáne áleýmettik damý mınıstrliginiń baspasóz qyzmetinen.
Bul kúni kishkentaı patsıentter úshin beıindi mamandardy shaqyrý arqyly (pedıatrlar, nevropatologtar¸ endokrınologtar, okýlıster, hırýrgtar, ortopedter, kardıologtar, nefrologtar, ımmýnologtar, balalar jasyndaǵy aýrýlardy biriktirip júrgizý boıynsha mamandar jáne t.b.), Ketle boıynsha dene salmaǵyn, boıyn, arterıaldy qan qysymyn, kóziniń kórýin tekserý sharalary júrgiziledi.
Bul kúni bolashaq analar úshin emizýdi qoldaý boıynsha «emizýdiń 10 qaǵıdasy» atty semınarlar, sondaı-aq, deni saý bala kabınetterinde balalar men mektepke deıingi jastaǵy balalardyń ata-analar úshin ımýnnologııalyq profılaktıka, durys tamaqtaný, jeke gıgıena boıynsha sharalar, medıtsınalyq kabınetterde - bıtsheńdik, qyshymaǵa tekserý jáne olardy emdeý sharalary ótkiziledi.
2016 jyly balanyń densaýlyǵyn erte jastan saqtaý men nyǵaıtý, qoǵamdyq jáne jeke gıgıenanyń, balalar men jasóspirimderdiń boıynda densaýlyq saqtaý ádetterin qalyptastyrý, durys tamaqtaný men fızıkalyq belsendilik boıynsha halyqtyń habardarlyǵyn arttyrý maqsatynda ótkiziletin barlyq sharalar «Basty baılyq - balalardyń kúlkisi!» uranymen júrmek.
SÓS Ulttyq ortalyǵynyń málimetinshe, Qazaqstanda 2015 jyly 9 jastaǵy balalar arasyndaǵy shamadan tys dene salmaǵynyń taralýy - 12,3%,, semizdik - 6,3% bolǵan.
