Qazaqstanda 1 maýsym kúni aýa raıy turaqsyz bolady
ASTANA. QazAqparat - Qazaqstannyń basym bóliginde ádettegideı atmosferalyq frontaldy bólikterdiń ótýine baılanysty aýa raıy turaqsyz bolady. Keı jerlerde jaýyn jaýyp, jel kúsheıip, shańdy daýyl kóteriledi. Tipti tuman túsip, burshaq jaýýy da yqtımal. Tek eldiń ońtústigi men ońtústik-shyǵysynda, shyǵysynda jáne soltústik-shyǵysynda kún ashyq bolady, dep habarlaıdy QazAqparat «Qazgıdromet» RMK-niń málimetterine silteme jasaı otyryp.
«Qazgıdromet» RMK-niń aqparaty boıynsha, Soltústik Qazaqstan oblysynda túnde jel sekýndyna 15-20 metrge deıin kúsheıedi, ekpini 23-28 metrge jetedi. Kúndiz keı jerlerde jeldiń jyldamdyǵy sekýndyna 15-20 metrge jetse, jekelegen aýdandarda ol odan saıyn órshelenip, burshaq jaýýy múmkin.
Aqmola oblysynda túnde keıbir aımaqtarda jel sekýndyna 15-20 metrge deıin kúsheıip, kúndiz eldiń basym bóliginde 15-20 metr, al ekpini 23-28 metr bolady.
Qyzylorda oblysynda keı jerlerde jel 15-20 metrge deıin kúsheıip, ekpini sekýndyna 25 metrge jetedi. Keıbir aýdandarda shańdy daýyl kóteriledi.
Batys Qazaqstan, Qostanaı, kúndiz Atyraý oblystarynyń birqatar aýmaqtarynda jeldiń jyldamdyǵy sekýndyna 15-20 metrge jetedi. Burshaq jaýýy da múmkin.
Aqtóbe oblysynyń birqatar aýmaqtarynda jel sekýndyna 15-20 metrge jetedi. Kúndiz keıbir jerlerde burshaq jaýady.
Qaraǵandy, kúndiz Ońtústik Qazaqstan, Mańǵystaý, Pavlodar oblystarynyń birqatar aımaqtarynda jeldiń jyldamdyǵy sekýndyna 15-20 metr bolady.
Shyǵys Qazaqstan oblysynda túnde jáne tań ata birqatar aımaqtarǵa tuman túsedi.
Mańǵystaý oblysynyń birqatar aımaqtarynda órt qaýpi týyndaýy yqtımal.
