Qazaqstanda 1 mamyrda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi Qazaqstanda 1 mamyr kúni ótetin mańyzdy sharalar legin usynady.
ASTANA
Saǵat 11:00-de «Qazaq Eli» monýmenti aldyndaǵy alańda Qazaqstan halqynyń Birligi kúnine arnalǵan «Rýhanı jańǵyrý birlik pen tutastyq negizi» atty teatrlandyrylǵan qoıylym ótedi.
Saǵat 13.00-de Qazaqstan halqynyń birligi kúnine oraı «Dostyq sherýi» atty velosherý ótedi.
Saǵat 15:00-de «Báıterek» monýmenti aldynda «Uly dala úni» atty dombyra-fleshmob uıymdastyrylady. 500-ge tarta kúıshi atalǵan sharada Qurmanǵazynyń «Saryarqa» kúıin oryndaıdy.
ALMATY
Saǵat 10:00-de Qazaqstan halqynyń Birligi kúnine oraı Respýblıka saraıynyń aldynda merekelik serýen ótkiziledi.
Saǵat 11:00-de Abaı alańynda qazaqstandyq estrada juldyzdarynyń qatysýymen mýzykalyq baǵdarlama bastalady.
Saǵat 17:00-de Balýan Sholaq atyndaǵy sport saraıynda qazaq kúresinen jyl saıyn uıymdastyrylatyn «Almaty Barysy - 2018» týrnıri bastalady. Bıyl jyl saıynǵy qalalyq týrnırde aýdandyq saıystardan iriktelgen kil myqty balýandar ózara baq synasady.
Saǵat 18:00-de «Alataý» dástúrli óner teatrynda Almaty energetıka jáne baılanys ýnıversıtetiniń birinshi rektory Qumarbek Dáýkeevtiń atyndaǵy «MUZENERGY» atty poetıka men án shyǵarmashylyǵynyń V ashyq festıvali ótkiziledi.
