Qazaqstanda 1 qańtardan jańa Eńbek kodeksi kúshine endi
Aıta keterligi, jańa kodeks Elbasy N.Nazarbaev aıqyndaǵan bes ınstıtýtsıonaldyq reformadaǵy tapsyrmalardy iske asyrýǵa baǵyttalady. Sonymen qatar, qujat eńbek qatynastaryn retteýdiń jańa modelin qamtıdy. Ol Halyqaralyq eńbek uıymynyń, Ekonomıkalyq yntymaqtastyq jáne damý uıymynyń eńbek standarttaryna negizdelgen.
Jańa Eńbek kodeksi eńbek qatynastary salasynda jumys berýshi men qyzmetkerler arasynda memlekettik aralasý shegin aıqyndaýdy, eńbek qatynastary sýbektileriniń róli men jaýapkershiligin jikteýdi usynady. Kodekste jumys berýshiler úshin bir jaǵynan belgili bir kólemde jumysqa jaldaý, kadrlyq jyljý, jumystan bosatý, qyzmetkerleriniń eńbek jaǵdaılary men eńbegine aqy tóleý rásimderi jeńildetilgen. Ekinshi jaǵynan qyzmetkerlerdiń bazalyq eńbek múmkindikteri men quqyqtary belgilenip, jeke ujymdyq sharttar men kelisimder arqyly keńeıtý kózdelgen. Osylaısha, óz dárejesinde damymaı kelgen kelisimder men ujymdyq sharttar rólin kóterý qarastyrylǵan.
«Jańa Eńbek kodeksi jobasy kásipkerlikti, eńbek naryǵyn damytýdy, sheteldik ınvestorlar tartýdy belsendire túspek. Budan basqa, múgedekterdi, jastardy, otbasylyq mindetteri bar adamdardy qosa alǵanda, jumyskerlerdiń jekelegen sanattary úshin jumys oryndaryn qurýǵa yntalandyrýǵa baǵyttalǵan birqatar sharalar da qamtylady. Jalpy, kodeks jobasynda áleýmettik qorǵaý, ádilettilik, ekinshi jaǵynan, ekonomıkalyq tıimdilik arasyndaǵy ońtaıly tepe-teńdikti úılestirýdi saqtaý kózdeledi», - bolatyn jańa kodekske qatysty Densaýlyq saqtaý jáne áleýmettik damý mınıstri Tamara Dúısenova.
