Qazaqstanda 1 aıdyń ishinde 307 qytaılyq kompanııa tirkelgen

ASTANA. KAZINFORM – Birinshi kredıttik bıýro Qazaqstanda tirkelgen qytaılyq kompanııalardyń sany 2022 jyldan beri rekordtyq kórsetkishpen óskenin habarlap otyr.

- 1 qyrkúıek pen 1 qazan aralyǵynda qytaılyqtar ıelik etetin 307 zańdy tulǵa/fılıal tirkelip, olardyń jalpy sany 7,1 myńǵa deıin jetti. Bul keminde 2022 jyldyń qańtarynan bergi, ıaǵnı keıingi 3,5 jyldaǵy eń joǵarǵy ósim. Bul rekord qytaı bıznesiniń Qazaqstandaǵy úlesin qarqyn keńeıtip jatqanymen tikeleı baılanysty. Tamyryn osy elden alatyn kompanııalardyń sany osymen tórtinshi aı qatarynan ósip otyr. Keıingi 1,5 jylda (2025 jyldyń qańtar aıynan basqa – 98 kompanııa) aılardyń bárinde aı saıyn 100 kompanııa tirkelip keledi, - dep jazady Birinshi kredıttik bıýronyń telegram-arnasy.

Qyrkúıek aıynda tirkelgen qytaılyq kompanııalardyń basym bóligi saýda (+123), qaıta óńdeý ónerkásibi (+34), basqa qyzmetter (+31) salasyna mamandanǵan.

Bul kórsetkish boıynsha Qytaıdan keıingi oryn Ózbekstanǵa tıesili bolyp tur – qatarǵa 167 kompanııa qosylǵan.

Qytaı aılyq kórsetkishte birinshi orynǵa shyqqanymen jalpy Qazaqstandaǵy kompanııalarynyń sany boıynsha Reseı men Ózbekstannan keıin turǵanyn aıta ketý kerek. Bir aıdyń ishinde 22 reseılik kompanııa elden ketkenimen, olardyń jalpy sany – 23,1 myń. Al Ózbekstan bıznesine tıesili kompanııalar sany – 7,4 myń.

Buǵan deıin Qazaqstan men Qytaı arasynda shoshqa etin eksporttaý talaptaryn retteıtin hattamaǵa qol qoıylǵanyn jazǵan edik.