Qazaqstanda 1,5 myń sheteldik jazasyn óteýde
«Qazirgi ýaqytta Qazaqstanda 1,5 myńnan (1509) astam sheteldik jazasyn óteýde. Olardyń basym bóligi Ózbekstan (643) jáne Qyrǵyzstan (320) azamattary. Bizge bul memlekettiń azamattarynan olardy otandaryna aýystyrý týraly ótinishter kóp túsedi. Bul bizge ǵana emes, eń birinshi kezekte qabyldaýshy tarapqa da baılanysty jaıt», - dedi ol.
I.Merkeldiń atap ótýinshe, barlyq ótinishterge baılanysty elimizdiń Bas prokýratýrasy sol eldegi áriptesterine azamattaryn otandaryna qaıtarýǵa daıyn ekendigi týraly hat jiberiledi. Biraq, ol taraptan oń jaýap alý óte sırek.
«Sońǵy jyldary Qyrǵyzstanǵa jazasyn ótep jatqan 318 sottalýshynyń tek 26-sy ǵana aýystyrylsa, al Ózbekstanǵa tipti birde-bir azamaty qaıtarylmady», - dedi QR Bas prokýrorynyń birinshi orynbasary.
