Qazaqstanda 1,5 myń bala aýtızmmen aýyrady - maman
ASTANA. QazAqparat - Aldyn ala málimetter boıynsha elimizde aýtızm dertine shaldyqqan 1,5 myń bala bar. Bul týraly búgin Astanada ótken dóńgelek ústelde Respýblıkalyq balalardy ońaltý ortalyǵynyń dırektory Sholpan Ospanova málim etti.
"Bizdiń maqsatymyz - Qazaqstandaǵy balalar arasyndaǵy aýtızm máselesin kóterý jáne qolymyzda qandaı ádistemeler baryn saraptaý. Búginde aýtızm durys anyqtalmaı jatady. Dıagnostıka álsiz. Sondyqtan ondaı balalardy ońaltý tıimdi júrgizilip jatqan joq. Astanada mundaı dıagnoz 325 balaǵa qoıylǵan. Negizinde olardyń sany áldeqaıda kóp. Mundaı balalardyń deni psıhosóıleý damýy tejelgen degen dıagnozben ketip jatyr. Jalpy, Qazaqstanda aýtızm dıagnozymen syrqattanatyn 1,5 myń bala bar", - dedi ol. Sholpan Ospanova ondaı balalardy emdeýdiń ádisterine de toqtaldy. "Bul máselede arnaıy, dári-dármektik emdeýdiń erekshe túri joq, balanyń tárbıesine, onyń qoǵammen etene bolýyna kúsh salsa, bolǵany. Sondyqtan munda bala ǵana emes, ata-analar da psıholog mamandarmen jumys jasaýy kerek", - deıdi maman.
