Qazaqstanda 1,5 mln. memqyzmetkerlerdiń jalaqysy joǵarylaıdy
ASTANA. QazAqparat - Sáýir aıynan bastap Qazaqstanda 1,5 mln. memlekettik qyzmetkerdiń jalaqylary joǵarylaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Eńbek jáne halyqty áleýmettik qorǵaý mınıstri Tamara Dúısenova málim etti.
"Jalaqylardy joǵarylatý eki kezeńmen iske asady. Birinshi kezeń - 2014 jyldyń 1 sáýirinde, ekinshisi - 2015 jyldyń 1 shildesinde ótkiziledi", - dep atap ótti mınıstr.
"Birinshi kezeńde azamattyq qyzmetkerlerdiń jalaqylaryn 10 paıyzǵa kóteremiz. Bul azamattyq qyzmetkerler, biliktiligi joq jáne shtattan tys qyzmetkerlerge jasalady. Olardyń sany 1,5 mln. adamǵa jetip otyr. Atalmysh joǵarylatýlarǵa qosymsha 63,4 mlrd tenge qarajat bólý qajet", - dedi T. Dúısenova. Onyń atap kórsetkenindeı, densaýlyq saqtaý salasy qyzmetkerleriniń jalaqylary - 36 paıyzǵa, bilim - 40 paıyzǵa, áleýmettik jáne mádenıet salasynyń qyzmetkerlerine jalaqy 52 paıyzǵa joǵarylatylady.
