Qazaqstanda 1,5 mln. gektar jer jeke menshikke berilgen
ASTANA. 5 qarasha. QazAqparat - Elimizde 1,5 mln. gektardan astam jer jeke menshiktiń paıdalanýyna berilgen.
Búgin Májiliste ótip jatqan Úkimet saǵatynda Jer resýrstaryn basqarý agenttiginiń tóraǵasy Qadyrhan Otarov osylaı aıtty.
Tóraǵanyń aıtýynsha, qazirgi tańda jeke menshikke berilgen jer kólemi 1,5 mln. gektardy qurap, 0,6 paıyzǵa teń bolyp otyr.
«Budan bólek respýblıka kóleminiń 34 paıyzyn quraıtyn 92 mln. gektardan astam jer ýaqytsha paıdalaný quqyǵymen tapsyrylǵan. Elimizde jerdi qaıta qurýdyń turaqtalýyna baılanysty búgingi kúni jerdi tıimdi, utymdy paıdalaný máselesi birinshi kezektegi ózekti másele bolyp tabylady»,-dedi Q. Otarov.
