Qazaqstanda 1,4 mln adam emhanaǵa tirkelmegen - vıtse-mınıstr
«JSN-i bar adamnyń naqty qaı emhanaǵa tirkelgeni belgili ekenin bilesizder. Buǵan qosa, Ádilet mınıstrliginiń jeke tulǵalardyń memlekettik málimetter bazasy men Densaýlyq saqtaý mınıstrliginiń tirkelgen halyq tizilimi dep atalatyn aqparattyq júıelerge saraptama jasadyq jáne 1,4 mıllıon adamnyń alǵashqy medıtsınalyq-sanıtarlyq kómek uıymdaryna tirkelmegenin anyqtadyq», - dedi L.Aqtaeva Densaýlyq saqtaý mınıstrliginiń keńeıtilgen alqa májilisinde.
Osy rette ol jergilikti atqarýshy organdardyń nazaryn árbir úıge baryp, óńirdegi halyqtyń naqty sanyn anyqtaý qajettigine aýdardy.
«Sebebi, halyqtyń árbir sanatynyń shynaıy sanyn anyqtaǵannan keıin ǵana turǵyndardyń alǵashqy medıtsınalyq-sanıtarlyq kómekke muqtajdyǵyn túsinetin bolasyzdar», - dedi ol.
Onyń dereginshe, Almaty, Qaraǵandy, Shyǵys Qazaqstan oblystarynda jáne Almaty qalasynda alǵashqy medıtsınalyq-sanıtarlyq kómek uıymdaryna tirkelmegen turǵyndardyń sany kóp bolyp otyr.