Qazaqstanda 1,2 mln PTR-test satyp alý úshin 1 mlrd teńge bólindi
«Elde ókpeni kompıýterlik tomografııadan ótkizý jaǵynan úlken kezekter paıda boldy. Búgingi tańda Qazaqstanda 135 tomograf bar. Pnevmonııany sonymen birge arzanyraq ári qoljetimdi tsıfrlyq rengtgent apparattar arqyly anyqtaýǵa bolady. Dıagnostıkanyń bul ádistemesi COVID-2019 boıynsha em-dom klınıkalyq hattamasyna engiziledi», - dedi Alekseı Tsoı OKQ-da ótken baspasóz máslıhatynda.
Densaýlyq saqtaý mınıstri naryqta otandyq óndirýshiler de shyǵarǵan birneshe dıagnostıkalyq test baryn atap ótti.
«Úkimet 1,2 mln test satyp alý úshin 1 mıllıard teńge bóldi. Testter qory árdaıym tolyǵyp otyrady. Testter jaqyn arada túsedi. Qazaqstanda qazirgi tańda 46 dıagnostıkalyq zerthana bar. Nur-Sultan qalasynda ǵana kúnine 10 myń test júrgizýge bolady. Zerthanalardyń qýattylyǵyn arttyrý maqsatynda tamyz aıynyń sońyna deıin 20 PTR-analızator satyp alý josparlanyp otyr», - dedi ol.