Qazaqstanda 1,2 mıllıonnan astam adam PTR-testten ótti - mınıstrlik
«Osy jyldyń naýryz aıynan bastap koronavırýs ınfektsııasy boıynsha 1 271 471 zerthanalyq zertteý júrgizildi. ıAǵnı osynsha adam PTR-testten ótti. Bul – adam aǵzasyndaǵy vırýstyń fragmentterin anyqtaýǵa múmkindik beretin molekýlıarly bıologııalyq ádis. 13 naýryzdan bastap 18 maýsymǵa deıin bir mıllıonan astam adamnan test alynǵanyn atap óttim. Epıdemııanyń damý deńgeıine qaraı zerthananyń qýattylyǵy men testter sany ulǵaıtyldy», - dedi Lázzat Aqtaeva OKQ-da ótken baspasóz máslıhatynda.
Onyń aıtýynsha, sáýir aıynyń alǵashqy jartysynda táýligine 5 myń adam, ekinshi jartysynda táýligine 14 myń adam PTR- testten ótken. Qazirgi ýaqytta zerthanalyq zertteý qýattylyǵy – táýligine 28 myń PTR -testten ótý kórsetkishine jetken.
«Zerthananyń sany 56-ǵa jetti. Onyń ishinde sanıtarııalyq-epıdemıologııalyq qyzmette 25 zerthana bolsa, jeke medıtsınalyq zerthanalardyń sany 13, medıtsınalyq uıymdardyń zerthanalarynyń sany – 14», - dedi ol. Lázzat Aqtaeva zerthanalarda test-júıeleri jetkilikti ekenin aıtyp ótti.
«Qazirgi tańda test-júıeleriniń qaldyǵy – 501 myń. Onyń ishinde memlekettik zerthanalarda 300 myńnan asady. Bul – 18 kúndik qor. Qosymsha zerthanalardyń qýattylyǵyn táýligine 35 myńǵa deıin jetkizý kózdelgen. Ol úshin úkimettik rezerv esebinen tıisti tıisti jabdyqtar satylyp alynady. 1,2 mln test-júıesi satylyp alynady», - dedi ol.