Qazaqstanda 1 126 aýyl sýmen qamtamasyz etilmegen
ASTANA. KAZINFORM – Úkimet otyrysynda Ónerkásip jáne qurylys mınıstri Qanat Sharlapaev eldegi aýyldardyń sýmen qamtamasyz etilý kórsetkishi týraly málimet berdi.
«Búginde 6 256 aýyldyń 5 130-y aýyz sýmen qamtamasyz etilgen. Qalǵan 1 126 aýyldy 2025 jyldyń sońyna deıin qamtamasyz etý qajet. Onyń ishinde, 316 aýyldy ortalyqtandyrylǵan sýmen qamtamasyz etý kózdelgen. Sonymen qatar, bıýdjet qarajatyn tıimdi paıdalaný úshin halyq sany 200-den kem 810 aýylda jergilikti bıýdjet qarajaty esebinen keshendi blok-modýlder ornatylady», - dedi Qanat Sharlapaev.
Mınıstrdiń sózine qaraǵanda, bıyl 385 aýyldy sýmen qamtamasyz etý josparda tur.
«Onyń ishinde 135 aýyldy ortalyqtandyrylǵan sýmen qamtamasyz etý, 250 aýylda keshendi blok-modýl ornatý josparlanǵan», - dedi ol.
