Qazaqstanda 18 myńnan astam úkimettik emes uıym belsendi jumys istep keledi – Aıda Balaeva
ASTANA. KAZINFORM – QR Premer-mınıstriniń orynbasary – Mádenıet jáne aqparat mınıstri Aıda Balaeva Dúnıejúzilik úkimettik emes uıymdar kúnimen quttyqtady.
- Qurmetti úkimettik emes uıym ókilderi!
27 aqpan – Dúnıejúzilik úkimettik emes uıymdar kúni. Elimizdegi úkimettik emes uıymdardyń róline Prezıdent Qasym-Jomart Toqaev erekshe nazar aýdaryp keledi. Olar áleýmettik máselelerdi sheshýde memlekettiń senimdi ári tıimdi seriktesteri bolyp qala beredi.
Úkimettik emes uıym sektorynyń qyzmeti kópqyrly jáne baǵyttarynyń aýqymy keń. Belsendiligi men bastamashyldyǵynyń arqasynda úkimettik emes uıymdar kóptegen mańyzdy joba men bastamany júzege asyryp keledi, - dep jazdy ol óziniń Facebook paraqshasynda.
Sondaı-aq mınıstr keıingi 10 jyl ishinde úkimettik emes uıymdar jelisiniń sandyq jáne sapalyq ósiminde eleýli ózgerisi baıqalǵanyn aıtty.
Búginde elimizde 23 myńnan astam úkimettik emes uıym tirkelgen, onyń 18 myńy belsendi túrde jumys isteıdi. Olar dıalogtyq alańdarǵa belsene qatysyp, qoǵamnyń damýyna aıtarlyqtaı úles qosyp jatyr. Oǵan qosa qoǵamdyq bastamalardyń qozǵaýshy kúshi bolyp otyr. Óz kezeginde memlekettik qurylymdar syndarly dıalogqa árdaıym daıyn.
Bıyl úkimettik emes uıymdar salasyndaǵy zańnamany jetildirý boıynsha júıeli jumystar júrgizilip jatyr. Negizgi jańashyldyqtar úkimettik emes uıymdardyń quqyqtyq mártebesin naqty aıqyndaýǵa, olardyń quqyqtary men kepildikterin bekitýge, sondaı-aq sektordyń odan ári damýyna qolaıly jaǵdaı jasaýǵa baǵyttalǵan.
Sondaı-aq aldaǵy saıası jańǵyrýlar, onyń ishinde respýblıkalyq referendým ótkizý jáne konstıtýtsııalyq reformalardy júzege asyrý, el damýynyń jańa kezeńin aıqyndaıdy. Qoǵamdyq-saıası júıeni jańartý ádilettilikti, eseptilikti jáne azamattardyń memlekettik basqarýǵa qatysý qaǵıdattaryn nyǵaıtýǵa baǵyttalǵan. Bul úderiste azamattyq qoǵam ınstıtýttary men úkimettik emes uıymdardyń róli erekshe mańyzdy – atalǵan uıymdar qoǵamdyq dıalogty damytýǵa, quqyqtyq mádenıetti qalyptastyrýǵa jáne azamattyq belsendilikti arttyrýǵa yqpal etedi.
-Úkimettik emes uıymdardyń belsendileri qoǵamdaǵy áleýmettik máselelerdi sheshýge zor yqpal etedi. Osy oraıda olardy Dúnıejúzilik úkimettik emes uıymdar kúnimen quttyqtaý – men úshin úlken mártebe.
Memleketimiz árdaıym qýatty ári ádiletti bolsyn! Azamattyq qoǵam nyǵaıyp, órkendeı bersin!
Azamattyq qoǵamdy damytý jolyndaǵy mańyzdy ári negizgi mindetterdi júzege asyrýdaǵy jaýapty qyzmetterińizge tabys jáne jańa jetistikter tileımin!,-dedi Aıda Balaeva.
Aıta keteıik, osyǵan deıin Aıda Balaeva 2030 jylǵa deıingi «Qazaqstan balalary» tujyrymdamasyn usynǵan bolatyn.