«Qazaqstan» zymyrandyq-artıllerııalyq kemesi áýeden jáne katerden «jasalǵan» shabýyldardy toıtardy
Bul týraly QR Qorǵanys mınıstrliginiń baspasóz qyzmetinen habarlaıdy.
Ashyq teńizge shyqqan QR Qarýly Kúshteri Áskerı-teńiz kúshteriniń áskerı qyzmetshileri taktıkalyq stsenarııge sáıkes kemege shartty túrde áýeden jáne katerden «jasalǵan» shabýyldardy toıtardy. Jappaı qyrý qarýynyń, teńiz mınalarynyń qoldanylýyna qarsy áreket etti. Іzdestirý-qutqarý is-sharalaryn júrgizdi. Bul áskerı is-qımyldar «jeke kememen teńiz urysyn júrgizý» jattyǵýynyń sheńberinde jasaldy, delingen vedomstvo taratqan habarlamada.
Kapıtan-leıtenant Erkebulan Dárkenbaev basqarǵan «Qazaqstan» zymyrandyq-artıllerııalyq kemesiniń ekıpajy qoıylǵan mindetti oryndap shyqty.
Áskerı teńizshilerdiń jattyǵýlary Kaspıı teńiziniń aıdynynda jospar boıynsha jalǵasa bermek. QR QK ÁTK kemeleriniń ekıpajdary jaýyngerlik daıyndyq qarqynyn kúsheıtip, jańa mindetterdi oryndaýǵa ázirlenýde.
Aıta ketý kerek, Qazaqstan Qarýly Kúshteri Áskerı-teńiz kúshteriniń sapynda gıdrografııalyq, zymyrandyq-artıllerııalyq, mına traldaýshy kemeler bar. «Qazaqstan» zymyrandyq-artıllerııalyq kemesi otandyq qorǵanys-ónerkásiptik kesheniniń alǵashqy ónimi. Bıyl sáýir aıynda «Zenıt» zaýytynda taǵy da bir «Oral» atty áskerı keme qurastyrylyp shyqty. Bul kemeniń ekıpajy da ózderiniń mindetterin atqarýǵa kiristi.