Qazaqstan zilzalalar qaýip-qaterin azaıtý boıynsha óz ustanymyn usyndy
ASTANA. KAZINFORM — Bangkokta BUU-nyń Azııa jáne Tynyq muhıty úshin ekonomıkalyq jáne áleýmettik komıssııasynyń (ESKATO) zilzalalar qaýip-qaterin azaıtý komıtetiniń IX sessııasy ótti.
Qazaqstandyq delegatsııadan Tótenshe jaǵdaılar vıtse-mınıstri Ramıl Kamalov jáne Aqmola oblysy Tótenshe jaǵdaılar departamentiniń bastyǵy Baqytjan Alashov qatysty.
Sessııa barysynda Azııa-Tynyq muhıty aımaǵyndaǵy klımattyń ózgerýine, ystyq aýa-raıynyń kúsheıýine jáne tabıǵı zilzalalar qaýip-qaterin basqarýǵa baılanysty ózekti syn-qaterler talqylanady.
Plenarlyq otyrysta sóz sóılegen Ramıl Kamalov zilzalalar qaýip-qaterin azaıtý salasyndaǵy óńirlik ózara is-qımyldyń negizgi baǵyttary boıynsha Qazaqstannyń ustanymyn usyndy. Ol ósip kele jatqan klımattyq qaterler aldynda memleketterdiń turaqtylyǵyn arttyrý úshin óńirlik úılestirýdi nyǵaıtýdyń jáne ozyq tehnologııalyq sheshimdermen almasýdyń mańyzdylyǵyn atap ótti.
Qazaqstandyq delegatsııanyń osy sessııaǵa qatysýy eldiń halyqaralyq mindettemelerdi oryndaýǵa beıildiligin jáne óńirdiń klımattyq syn-qaterlerge ornyqtylyǵyn nyǵaıtýǵa úles qosýǵa umtylysyn rastaıdy.
Aıta keteıik, qyrkúıekte Túrkııa bıligi tabıǵı apatpen kúresý úshin jańa vedomstvo quratyny týraly jazdyq.