Qazaqstan jylyna 80 mln. dollardyń balyq ónimderin eksportqa shyǵarady - Nysanbaev
«Qazaqstannyń tabıǵı sý aıdyndarynda jyl saıyn şamamen 40-45 myń tonna balyq aýlanady. Sonymen birge balyq ósirý kásiporyndary jylyna 500-700 tonnaǵa jýyq taýarly balyq ósiredi. Solaı bola tura jyl saıyn shamamen 45-50 myń tonna muhıt balyqtarynyń túrleri ákelinse, 22 myń tonnadan astam balyq ónimderi eksportqa shyǵarylady. Búgingi tańda mal sharýashylyǵy ónimderi eksportynyń 50 paıyzyna deıingi kólemi balyq ónimderine tıesili. Eksport somasy jylyna 80 mln. AQSh dollaryna deıin jetedi», - dedi vıtse-mıınstr.
Onyń atap ótýinshe, otandyq balyq ónimderi negizinen Eýropalyq odaq elderine eksporttalady jáne dúnıejúzilik naryqta básekege qabiletti. Sońǵy jyldary balyq ónimderiniń eksporty jańa naryqtarǵa baǵdarlanýda.
«Búgingi tańda 19 kásiporyn Qytaıǵa balyq ónimderin eksporttaýshylar tizilimine engizilgen. Qytaıǵa balyq ónimderiniń eksporty jylyna 2 myń tonnaǵa deıin kóbeıedi dep úmittenemiz», - dedi E.Nysanbaev.
Vıtse-mınıstrdiń derekterine qaraǵanda, 2015 jyly Qazaqstan Qytaıǵa 1039 tonna, al osy jyldyń 5 aıynda 465 tonna balyq eksporttaǵan.
«Qazirgi kezde óńirlerde balyq óńdeýdi 60-tan astam kásiporyn júzege asyrady. Alaıda búgingi tańda olardyń óndiristik qýatynyń jumys isteýi 50 paıyzǵa da jetpeıdi. Osyǵan baılanysty balyq sharýashylyǵynyń eksporttyq áleýmetin odan ary arttyrýmen qatar Kaspıı teńiziniń resýrstaryn neǵurlym tolyq ıgerý jáne taýarly balyq ósirýdi damytý esebinen ımportty almastyrý negizgi mindetterdiń biri bolyp belgilendi», - dedi ol.
Aıta keterligi, Májilistiń Agrarlyq máseleler komıtetinde elimizdegi balyq sharýashylyǵynyń jaǵdaıy jáne damý máseleleri taqyrybynda otyrys ótýde.
