Qazaqstan jyldy FIFA reıtıngisinde 128-shi orynmen aıaqtaýda
ASTANA. 22 jeltoqsan. QazAqparat - Fýtboldan Qazaqstan quramasy FIFA-nyń álemdik reıtıngisinde óziniń pozıtsııasyn jaqsartty, dep habarlady uıymnyń resmı saıty.
Jeltoqsan aıyndaǵy jańartylǵan reıtıngide bizdiń qurama ótken aımen salystyrǵanda pozıtsııasyn 4 tarmaqqa jaqsartyp, 128-shi orynǵa shyqty. Bizdiń quramaǵa taıaý 219 upaımen Fılıppın (127-shi oryn) jáne 207 upaımen Sırııa (129) tur. Qazaqstan qorjynynda 216 upaı bar.
Kesteniń kóshbasshysy 1507 upaı jınaǵan burynǵysha Ispanııa quramasy bolyp otyr. Odan keıin Germanııa (1318 upaı), Argentına (1251), Kolýmbııa (1200), Portýgalııa (1172), Ýrýgvaı (1132), Italııa (1120 upaı) komandalary keledi.
FIFA reıtıngisinde Brazılııa quramasy 10-shy pozıtsııada, Anglııa 13-shi orynǵa shyqty, AQSh - 14-shi, Ýkraına - 18-shi orynda, Reseı burynǵysha 22-shi orynǵa taban tiredi.
FIFA reıtıngisinde Qazaqstan 2011 jylmen salystyrǵanda, óziniń pozıtsııasyn 10 tarmaqqa jaqsartqanyn atap ótken jón.
